विज्ञहरूले बताए यस्ता छन् मुख्य कारणहरू
​
प्रायः मानिसहरू गलत खानपानका कारण मात्र शरीरमा कोलेस्ट्रोल बढ्छ भन्ने ठान्छन्, तर स्वास्थ्य विज्ञहरूका अनुसार ४० वर्षको उमेरपछि हुने प्राकृतिक शारीरिक परिवर्तनले पनि कोलेस्ट्रोलको स्तरमा ठूलो असर पार्छ।
​विशेषज्ञहरूका अनुसार ४० वर्ष पार गरेपछि शरीरको मेटाबोलिजम (पाचन प्रणाली र ऊर्जा खपत प्रक्रिया) सुस्त हुन थाल्छ। जसका कारण पहिले सजिलै नष्ट हुने क्यालोरीहरू बोसोका रूपमा जम्न थाल्छन्, जसले गर्दा एलडिएल (खराब कोलेस्ट्रोल) र ट्राइग्लिसराइड्सको मात्रा बढ्छ।
​हर्मोनल परिवर्तन र कलेजोको कार्यक्षमतामा ह्रास:
उमेर बढेसँगै रगतबाट खराब कोलेस्ट्रोल हटाउने कलेजोको क्षमता घट्दै जान्छ। यसबाहेक, महिलाहरूमा ‘मेनोपज’ (महिनावारी रोकिने अवस्था) पछि एस्ट्रोजन हर्मोनको कमीले खराब कोलेस्ट्रोल बढाउँछ। त्यसैगरी, पुरुषहरूमा ‘टेस्टोस्टेरोन’ हर्मोन घट्दै जाँदा बोसोको मात्रा र इन्सुलिन रेसिस्टन्स बढेर कोलेस्ट्रोल बिग्रन पुग्छ।
​विज्ञहरूको सुझाव:
४० वर्षको उमेरपछि शारीरिक सक्रियता कम हुनु, पेट वरिपरी बोसो जम्नु र वंशानुगत कारणले गर्दा हृदयाघात (हार्ट अट्याक) र स्ट्रोकको जोखिम बढ्छ। त्यसैले, विज्ञहरूले ४० वर्ष पार गरेका व्यक्तिहरूलाई नियमित रूपमा:
​लिपिड प्रोफाइल (कोलेस्ट्रोल जाँच), ​रक्तचाप (ब्लड प्रेसर)
​फास्टिङ ब्लड सुगर तथा एचबीए१सी ​जस्ता स्वास्थ्य परीक्षणहरू गराइरहन र स्वस्थ जीवनशैली अपनाउन सल्लाह दिएका छन्।