नयाँ दिल्ली: गत सीजनको च्याम्पियन पेरिस सेण्ट जर्मेन (पीएसजी)-को साथमा इण्टर मिलान, बायर्न म्यूनिख र बार्सिलोनाले यूएफा च्याम्पियन्स लीगमा मंगलवार राति आ-आफ्नो म्याच जित्यो। फ्रान्सको अग्रणी क्लब पीएसजी-ले आफ्नो उत्कृष्ट फर्मलाई जारी राख्दै स्पेनिश क्लब भिल्लारियललाई ६-०-ले पिट्यो। म्याचको मध्यान्तरसम्म ४ गोलले अघि रहने वर्तमान च्याम्पियन टोलीले दोस्रो हाफमा अझ २ गोल गरी सजिलै जीत हासिल गऱ्यो। यस अवे म्याचमा ६७ प्रतिशत बल पोजेशनको साथ खेल्ने पीएसजी-बाट फाबियन रुइजले १७औं र ५०औं मिनटमा २ गोल गरे। यसबाहेक जोआओ नेवेसले नवौं, डेजिरे डुएले १२औं, सेनी मायुलुले १३औं र डेविड बोलीले ७८औं मिनटमा गोल गरे। यस एकतर्फी जीतको साथ पीएसजी ४ वटा म्याचमा १२ अंकको साथ च्याम्पियन्स लीग अंक तालिकाको शीर्ष स्थानमा कायम रह्यो। टोलीले यी ४ वटा म्याचमा जम्मा २० गोल गरेर केवल ५ गोल खाएको छ। यस आँकड़ाले पनि टोलीको फर्मलाई साबित गर्छ। यसरी इटलीको अग्रणी क्लब इण्टर मिलानले नीदरल्याण्डको क्लब फेयेनूर्डविरुद्ध ३-०-ले जीत हासिल गऱ्यो। यस अवे म्याचमा ४७ प्रतिशत बल पोजेशनको साथ खेल्ने डच क्लबबाट यान अरेल बिसेकले आठौं, पिओ एस्पोस्टोले ३४औं र पियोत्र जिलिन्स्कीले ५४औं मिनटमा गोल गरे। यस जीतको साथ इण्टर मिलान ६ अंकको साथ गोल अन्तरको आधारमा १४औं स्थानमा रहन पुग्यो।बार्सिलोनाले पनि गत म्याचको निराशालाई भुलेर प्रीमियर लीग क्लब एस्टन भिल्लालाई ३-०-ले पराजित गऱ्यो। आफ्नो घरेलु मैदान नोउ क्याम्पमा ६३ प्रतिशत पोजेशनको साथ खेल्ने स्पेनिश क्लबबाट राफिन्हाले २ गोल गरे। असाधारण फर्ममा रहने यस फरवर्डले ५२औं र ६४औं मिनटमा गोल गरे। अन्य एउटा गोल युवा लामिन यमालले सातौं मिनटमा गरे। यस जीतको साथ बार्सिलोना ९ अंकको साथ गोल अन्तरको आधारमा दोस्रो स्थानमा रहन पुग्यो। तेस्रो स्थानमा रहने एस्टन भिल्लासँग पनि ९ अंक नै रहेको छ अनि टोलीको यो जारी च्याम्पियन्स लीग सीजनमा पहिलो हार हो। अन्य एउटा हाई-प्रोफाईल म्याचमा बायर्न म्यूनिखले स्पेनिश क्लब एट्लेटिको म्याड्रिडलाई २-०-ले पराजित गऱ्यो। यस अवे म्याचमा ५७ प्रतिशत पोजेशनको साथ खेल्ने जर्मनीको क्लबबाट लेनार्ट कार्लले ५४औं र कोनराड लाइमेरले ७४औं मिनटमा गोल गरे। यस जीतको साथ बायर्न म्यूनिख ८ अंकको साथ आठौं स्थानमा रहन पुग्यो। यसरी २२औं स्थानमा रहने एट्लेटिकोसँग केवल ४ अंक रहेको छ।

पेरिस: रेकर्ड ७ पल्टका च्याम्पियन नोवाक जोकोविचले पेरिस मास्टर्स टेनिस टुर्नामेण्टमा असाधारण पुनरागमन गर्दै पहिलो राउण्डको म्याच जिते। सर्बियाका दिग्गज खेलाड़ीले खराब शुरुवातपछि भेलेण्टिन वेचेरोटलाई ३ सेटमा ६-७ (५), ७-५, ६-१-ले पराजित गरे। म्याचको पहिलो सेट चरम रोमाञ्चक रह्यो, जसमा २४ पल्टका ग्राण्ड स्ल्याम विजेता जोकोविचले टाईब्रेकरमा हारको सामना गर्नु पऱ्यो। म्याचको दोस्रो सेट पनि चरम प्रतिस्पर्धा रह्यो अनि जोकोविचले निर्णायक क्षणहरूमा असाधारण प्रदर्शन गरे। यसरी उनले ७-५-ले दोस्रो सेट जित्दा म्याच तेस्रो तथा निर्णायक सेटसम्म पुग्यो। तेस्रो सेटमा चाहिँ सर्बियाई खेलाड़ीले प्रतिद्वन्द्वीलाई कुनै मौका दिएनन्। यसरी जोकोविचले ६-१-ले निर्णायक सेट जितेर अघिल्लो राउण्डमा प्रवेश गरे। विश्वका ११औं नम्बरका खेलाड़ी जोकोविच आफ्नो करियरको १०३औं खिताब जित्ने प्रयासमा जुटेका छन्। यस उपलब्धिको साथ उनले स्विट्जरल्याण्डका महान खेलाड़ी रोजर फेडररको १०३ वटा खिताबको रेकर्डको बराबरी गर्न सक्नेछन्। पुरुष टेनिसमा सर्वाधिक १०९ वटा खिताब जित्ने रेकर्ड जिमी कोनर्सको नाममा रहेको छ। टुर्नामेण्टमा तेस्रो वरीयता प्राप्त बेन शेल्टनले क्यामरन नरीलाई सीधा सेटमा ६-३, ६-४-ले पराजित गरी दोस्रो राउण्डमा प्रवेश गरे। यसरी ११औं वरीयता प्राप्त अमेरिकी खेलाड़ी टेलर फ्रिट्जले पनि बेञ्जामिन बोञ्जीलाई ३-६, ६-३, ६-४-ले पराजित गरे। अन्य म्याचहरूमा फ्रान्सका माइज कौमेले नूनो बोर्गेसलाई ६-३, ६-१-ले पराजित गरे। यसरी २०२२-का च्याम्पियन होल्गर रुनेले चाहिँ १२औं वरीयता प्राप्त टमी पलविरुद्ध ५-७, ४-६-ले हारको सामना गर्नु पऱ्यो।

लण्डन: यूएफा च्याम्पियन्स लीगमा म्यानचेष्टर युनाइटेडले असाधारण पुनरागमन पर्दै बहुप्रतीक्षित जीत हासिल गऱ्यो। खराब फर्मसँग जुझिरहेको म्यानचेष्टर युनाइटेडले मंगलवार राति खेलिएको म्याचमा इटलीको क्लब रोमालाई ३-२-ले पराजित गऱ्यो। यस जीतको साथ म्यानचेष्टर युनाइटेडको गत ९ वटा म्याचदेखि जारी जीतको खड़ेरी पनि समाप्त भयो। प्रीमियर लीग क्लबको निम्ति यो जीत अन्य एउटा कारणले पनि खास रह्यो। म्याचमा एक समय रोमा २ गोलले अघि रहेको थियो। त्यसपछि युनाइटेडले असाधारण पुनरागमन गर्दै यादगार जीत हासिल गऱ्यो। यस जीतमा टोलीका सेण्टर फरवर्ड म्याथ्यूस कुन्हाको महत्त्वपूर्ण योगदान रह्यो, जसले २ गोल गरे। आफ्नो घरेलु मैदान ओल्ड ट्रेफर्डमा ५२ प्रतिशत बल पोजेशनको साथ खेल्ने युनाइडेडले म्याचको शुरुमै एकपछि अर्को २ गोल खायो। मातियास सुलेले ११औं र डोनयेल मालेनले १७औं मिनटमा गोल गर्दा मध्यान्तरसम्म रोमा २ गोलले अघि रहेको थियो। दोस्रो हाफको खेलमा चाहिँ म्यानचेष्टर युनाइटेडले असाधारण पुनरागमन गऱ्यो। ब्रुनो फर्नाण्डेसले ५८औं मिनटमा पेनल्टीबाट गोल गरी युनाइटेडको सम्भावनाहरूलाई जीवित राखे। रोमाका खेलाड़ी पेनल्टी क्षेत्रभित्र प्रवेश गरेपछि दोहोर्‍याइएको पेनल्टीमा फर्नाण्डेसले कुनै गल्ती गरेनन्। त्यसपछि म्याथ्यूस कुन्हाले ८३औं मिनटमा गोल गरी स्कोर २-२-को बराबरीमा पुऱ्याए। त्यसको ठीक ३ मिनटपछि कुन्हाले व्यक्तिगत दोस्रो गोलको साथ युनाइटेडलाई ३-२-को बढ़त दिलाए, जुन अन्तमा निर्णायक साबित भयो। इञ्ज्युरी टाइमको पहिलो मिनटमा कुन्हाले दोस्रो पहेंलोसहित रातो कार्ड देख्नु परे पनि नतीजामा कुनै फेरबदल हुन सकेन। यसबीच मीडफिल्डर कार्लोस बालेबाको चोटले चाहिँ युनाइटेडको चिन्ता बढ़ाएको छ। पहिलो हाफको खेलमा ह्याम्स्ट्रिंगको चोटले गर्दा उनले मैदान छोड़नु पऱ्यो। यस जीतको साथ म्यानचेष्टर युनाइटेड ६ अंकको साथ गोल अन्तरको आधारमा च्याम्पियन्स लीग अंक तालिकाको १७औं स्थानमा रहन पुग्यो।

नयाँ दिल्ली: ओलम्पिक पदक विजेता पीभी सिन्धु र मीराबाई चानूसहित १० जना खेलाड़ीलाई निर्विरोध भारतीय ओलम्पिक संघ (आईओए)-को एथलीट आयोगको सदस्य चयन गरियो। पूर्व ट्र्याक एण्ड फील्ड एथलीट सुधा सिंहले सोमवार अबेर राति चुनावी दौड़बाट हट्ने फसेला गरेपछि मतदान गराउने आवश्यकता परेन कारण १० वटा सीटको निम्ति केवल १० जना उम्मेद्वार रहेका थिए। निर्वाचन अधिकारी सञ्जय के श्रीवास्तवले मंगलवार ५ जना पुरुष र ५ जना महिलासहित सबै १० उम्मेद्वारहरूलाई निर्विरोध निर्वाचित घोषित गरे। यसअघि सोमवार स्टार ब्याडमिण्टन खेलाड़ी किदाम्बी श्रीकान्तले पनि आफ्नो उम्मेद्वारी फिर्ता लिएका थिए। एथलीट आयोगको अध्यक्ष र उपाध्यक्ष पदहरूमा एकजना पुरुष र एकजना महिलालाई चयन गरिनेछ। यी पदहरूमा निर्वाचित हुने चारमा दुईजना पदाधिकारी आईओए-को कार्यकारी परिषदको सदस्य बन्नेछछन्। यसबाहेक एथलीट आयोगका दुईजना सदस्य (एकजना पुरुष अनि एकजना महिला) मतदान अधिकारको साथमा आईओए-को आम सभाको सदस्य बन्नेछन्। यी दुईजना प्रतिनिधिले ५ दिसम्बरमा हुने आईओए कार्यकारी परिषदको चुनाउमा एथलीट आयोगको तर्फबाट हिस्सा लिनेछन्। एथलीट आयोगका अध्यक्ष र उपाध्यक्षको साथ-साथ आईओए-को आम सभाका दुईजना प्रतिनिधिको चुनाउ पछिबाट गराइनेछ।आईओए एथलीट आयोगका निर्विरोध निर्वाचित सदस्यहरू यसप्रकार छन्: पीवी सिन्धु, मीराबाई चानू, हरमनप्रीत सिंह, सलीमा टेटे, स्वप्निल कुसाले, भवानी देवी, तजिन्दरपाल सिंह तूर, बोम्बाल्या देवी, साजन प्रकाश र मञ्जीत सिंह।

​नयाँ दिल्ली: संसारको बच्चा-बच्चा गोलो-मटोलो अनुहारमा गोलो फ्रेमको चस्मा लगाएका सोझा ह्यारी पोटरबाट परिचित छन्। जे.के. रोलिङले आफ्ना पुस्तकहरूमा ह्यारी पोटरको पात्र र एक जादुई संसारको रचना गरेकी थिइन्, जसमा जादुको विद्यालय, कुटेको (झाडूमार्फत उड्ने) सवारी र अनौठो किसिमका जनावरहरू धेरै कथाहरूमा कोरिएका थिए। यी पुस्तकहरूमा आधारित पहिलो चलचित्र ‘ह्यारी पोटर एन्ड द सोर्सेरर्स स्टोन’ को विश्व प्रिमियर ४ नोभेम्बर २००१ मा लन्डनमा भएको थियो।​अहिले सम्म ह्यारी पोटर शृङ्खलाका धेरै हलिउड चलचित्रहरू बनिसकेका छन् र सफलताको छुट्टै कथा लेखिसकेका छन्। एक्काइसौं शताब्दीको यस सबैभन्दा प्रसिद्ध उपन्यासबाट २१औं शताब्दीका सबैभन्दा प्रसिद्ध चलचित्रहरू बनाइएका हुन्। चलचित्रको मुख्य पात्र ह्यारी पोटर हो। ऊ र उसका केही साथीहरू जादुको विद्यालयमा जादु सिक्छन् र कदम-कदममा अचम्मित पार्ने घटनाहरूसँग जुध्छन्। चलचित्रमा अनौठा नाम भएका मिथकीय चरित्रहरू छन्।​देश-दुनियाको इतिहासमा चार नोभेम्बरको तारिखमा घटेका अन्य महत्त्वपूर्ण घटनाहरूको सिलसिलेवार विवरण यसप्रकार छ~​१५०९: फ्रान्सिस्को डी अल्मीडा पछि अल्फांसो द अल्बुकर्क भारतका दोस्रो पोर्चुगिज भाइसरोय (गभर्नर) बने। फ्रान्सिस्को डी अल्मीडा भारतका पहिलो पोर्चुगिज गभर्नर (सन् १५०५) थिए, जसले हिन्द महासागरमा “ब्लू वाटर पोलिसी” लागू गरेका थिए।​१६१६: फ्रेडरिक पञ्चम युरोपेली देश बोहेमियाका राजा बने। फ्रेडरिक पञ्चमलाई इतिहासमा ‘विंटर किङ’ (जाडोको राजा) को रूपमा चिनिन्छ किनभने बोहेमियामा उनको शासन निकै कम समय (केवल एक जाडो, १६१९-१६२०) का लागि मात्र रहेको थियो।​१८२२: दिल्लीमा ब्रिटिश शासनकालको दौरान नयाँ जल आपूर्ति योजनाको औपचारिक रूपमा शुभारम्भ गरिएको थियो। यस योजनाको मुख्य उद्देश्य लाल किल्ला, चाँदनी चोक र दिल्लीका आम नागरिकसम्म यमुना नदीको सफा पानी पुर्‍याउनु थियो ताकि सहरको सरसफाइ र पानी आपूर्ति व्यवस्थामा सुधार ल्याउन सकियोस्।​१८५६: जेम्स बुकानन अमेरिकाका १५औं राष्ट्रपति निर्वाचित भएका थिए। उनले ४ मार्च १८५७ मा पदको शपथ लिएका थिए। उनी डेमोक्रेटिक पार्टीका उम्मेदवार थिए र उनले रिपब्लिकन पार्टीका जोन सी. फ्रेमन्ट र ह्विग/नो नथिंग्स पार्टीका मिलार्ड फिलमोरलाई पराजित गर्दै यो चुनाव जितेका थिए।​१८६२: अमेरिकी आविष्कारक डा. रिचर्ड जोर्डन ग्याटलिङले आफ्नो प्रसिद्ध बहु-ब्यारेल ¥यापिड-फायर मेशिनगन—ग्याटलिङ गनको पेटेंट (पेटेंट सङ्ख्या यूएस३६,८३६) गराएका थिए। यो हातले घुमाउने घुम्टे ब्यारेल भएको बन्दुक थियो, जसले प्रति मिनेट करिब २०० राउन्ड गोली दाग्न सक्थ्यो। पछिल्ला मोडलहरूमा यसको गति बढाएर १,२०० राउन्ड प्रति मिनेटसम्म पुर्‍याइएको थियो।​१८७५: अमेरिकाको बोस्टनमा म्यासाचुसेट्स राइफल एसोसिएसनको स्थापना भयो। यसलाई अमेरिकाको सबैभन्दा पुरानो सक्रिय गन क्लब (बन्दुक क्लब) मानिन्छ। यसलाई “द क्रैडल अफ अमेरिकन मार्कस्मैनशिप” (अमेरिकी निशानेबाजीको पालना) पनि भनिन्छ।​१९११: फ्रान्स र जर्मनीबीच “मोरक्को-कङ्गो सम्झौता” सम्पन्न भयो, जसले दोस्रो मोरक्को सङ्कट (अगादीर सङ्कट) लाई समाप्त गर्‍यो। यस सम्झौता अन्तर्गत जर्मनीले मोरक्कोमा फ्रान्सको पूर्ण संरक्षण र नियन्त्रणलाई स्वीकार गर्‍यो। यसको बदलामा फ्रान्सले आफ्नो फ्रान्सेली कङ्गोको ठूलो हिस्सा (करिब २,९५,००० वर्ग किलोमिटर) जर्मनीलाई सुम्पियो, जसलाई “न्युकामेरुन” भनियो। यो क्षेत्र जर्मनीको तत्कालीन क्यामरून उपनिवेशको हिस्सा बन्यो।​१९२४: नेली टायलो रोस अमेरिकाको व्योमिंग राज्यकी राज्यपाल निर्वाचित भइन् र उनी संयुक्त राज्य अमेरिकाको इतिहासमा पहिलो महिला राज्यपाल भइन्।​१९५४: दार्जिलिङमा हिमालय पर्वतारोहण संस्थानको स्थापना भयो। सन् १९५३ मा तेन्जिङ नोर्गे र सर एडमण्ड हिलारीद्वारा सगरमाथाको पहिलो सफल आरोहण पछि यसको स्थापना गरिएको थियो। भारतका प्रथम प्रधानमन्त्री पण्डित जवाहरलाल नेहरू र पश्चिम बंगालका तत्कालीन मुख्यमन्त्री डा. बी.सी. रोयको प्रयासबाट यसको जग बसालिएको थियो।​१९५६: सोभियत संघले ‘अपरेसन ह्वर्लविन्ड’ अन्तर्गत हङ्गेरीको राष्ट्रिय विद्रोहलाई कुल्चिनका लागि आफ्नो सेना बुडापेस्ट र अन्य सहरहरूमा उतार्यो। सोभियत संघले करिब ३१,००० सैनिक र हजारौं ट्याङ्कहरूसँगै हङ्गेरीमा ठूलो सैन्य आक्रमण गर्‍यो। ११ नोभेम्बर १९५६ सम्म यो विद्रोहलाई पूर्ण रूपमा कुचलियो। यस द्वन्द्वमा करिब २,५०० हङ्गेरियन नागरिक/लडाकु र ७०० सोभियत सैनिक मारिए।​१९७९: इरानमा बन्धक सङ्कटको सुरुवात भयो। तेहरानस्थित अमेरिकी दूतावासमा इरानका उग्रवादीहरूले आक्रमण गरी त्यहाँ उपस्थित मानिसहरूलाई बन्धक बनाए। धेरै मानिसहरूलाई एक वर्षभन्दा बढी समयसम्म बन्धक राखियो।​१९८०: हलिउडका पूर्व अभिनेता र क्यालिफोर्नियाका गभर्नर रोनाल्ड रेगनले जिमी कार्टरलाई ठूलो अन्तरले पराजित गर्दै अमेरिकामा राष्ट्रपतको चुनाव जिते।​१९८४: भारतीय स्नुकर खेलाडी ओम प्रकाश अग्रवाल (ओ.बी. अग्रवाल) ले आईबीएसएफ विश्व एमेच्योर स्नुकर च्याम्पियनसिपको उपाधि जितेका थिए। उनले फाइनल खेलमा वेल्सका तत्कालीन विश्व च्याम्पियन टेरी पार्सन्सलाई ११-७ ले हराएका थिए।​१९९५: इजरायलका प्रधानमन्त्री यित्जाक राबिनको तेल अलिभको किङ्स स्क्वायर (अहिले राबिन स्क्वायर) मा एक शान्ति र्याली पछि यहूदी उग्रवादी यिगल अमिरद्वारा गोली हानेर हत्या गरिएको थियो। उनलाई सन् १९९४ मा प्यालेस्टिनी नेता यासर अराफात र इजरायलका विदेशमन्त्री शिमोन पेरेजसँग संयुक्त रूपमा ‘ओस्लो शान्ति सम्झौता’ को प्रयासका लागि नोबेल शान्ति पुरस्कार प्रदान गरिएको थियो।​१९९७: भारतीय सेनाको कोर अफ सिग्नलले सियाचिन बेस क्याम्पमा १६,००० फिटभन्दा बढी उचाइमा संसारको सबैभन्दा अग्लो एसडी (STD) बुथ स्थापना गरेको थियो। यो बुथ स्थापना हुनुअघि संसारको सबैभन्दा अग्लो र चिसो युद्धक्षेत्र (सियाचिन ग्लेसियर) मा खटिएका सैनिकहरूका लागि आफ्ना परिवारसँग कुरा गर्न अत्यन्तै कठिन थियो। यो बुथले उनीहरूलाई आफ्ना प्रियजनहरूसँग सिधै जोडिने सुविधा दियो।​२०००: संयुक्त राष्ट्रसंघीय महासभामा परमाणु हतियारहरूलाई पूर्ण रूपमा समाप्त गर्ने र तिनका लागि आवश्यक विखण्डीय पदार्थ उत्पादनमा रोक लगाउने जापानको प्रस्ताव भारी बहुमतले पारित भयो।​२००१: जे.के. रोलिंगको प्रसिद्ध उपन्यासमा आधारित पहिलो चलचित्र ‘हैरी पोटर एन्ड द सोर्सेरर्स स्टोन’ (यूकेमा ‘ह्यारी पोटर एन्ड द फिलोसोफर्स स्टोन’) को लन्डनको ओडियन लिसेस्टर स्क्वायरमा विश्व प्रिमियर भयो।​२००२: चीन र आसियान (ASEAN) देशहरूबीच बृहत् आर्थिक सहयोगमा एक खाका सम्झौतामा हस्ताक्षर भयो। यो ऐतिहासिक सम्झौता कम्बोडियाको नोम पेन्ह सहरमा दुवै पक्षका नेताहरूद्वारा गरिएको थियो।​२००३: श्रीलंकाकी राष्ट्रपति चन्द्रिका कुमारतुङ्गाले रक्षा, गृह र सूचना मन्त्रीहरूलाई बर्खास्त गरिन् र देशको संसद्लाई दुई साताका लागि निलम्बन गरिन्। यस कदमले श्रीलंकामा गम्भीर राजनीतिक सङ्कट पैदा गर्‍यो, जसको मुख्य कारण राष्ट्रपति र तत्कालीन प्रधानमन्त्री रनिल विक्रमसिंघेबीच तमिल विद्रोहीहरूसँगको शान्ति प्रक्रियालाई लिएर देखिएको मतभेद थियो।​२००५: संयुक्त राष्ट्रसंघको इराकका लागि तेलका बदला खाद्यान्न योजनामा गरिएको गडबडीको जाँच प्रतिवेदन तयार पार्ने प्रमुख पाउल भोल्करले प्रतिवेदनमा नामित सबै आरोपीहरूलाई आफ्नो सफाइ दिने पूरा अवसर दिइएको स्पष्ट पारे।​२००८: भारतका सार्वजनिक क्षेत्रका छ वटा बैंक बेन्चमार्क कर्जा ब्याज दरमा ०.७५ प्रतिशत (वा ७५ आधार बिन्दु) सम्मको कटौती गर्न सहमत भए।​२००८: तत्कालीन प्रधानमन्त्री डा. मनमोहन सिंहको अध्यक्षतामा बसेको केन्द्रीय मन्त्रिपरिषद्को बैठकमा गङ्गा नदीलाई भारतको राष्ट्रिय नदी घोषणा गर्ने निर्णय गरियो। यस निर्णयको मुख्य उद्देश्य गङ्गा नदीको सांस्कृतिक, ऐतिहासिक र धार्मिक महत्वलाई सम्मान दिनु तथा यसलाई प्रदूषण र अन्य खतराहरूबाट बचाउनु थियो।​२००८: भारतको पहिलो मानवसहित (मानवरहित) अन्तरिक्ष मिसन चन्द्रयान-१ ले चन्द्रमाको कक्षमा सफलतापूर्वक प्रवेश गर्‍यो। १४ नोभेम्बर २००८ मा यसको ‘मुन इम्प्याक्ट प्रोब’ ले चन्द्रमाको सतहमा अवतरण गरी तिरङ्गा फहरायो र यही मिसनले चन्द्रमामा पानी (अणुहरू) को उपस्थिति रहेको पुष्टि गर्‍यो।​२००८: डेमोक्रेटिक पार्टीका बाराक ओबामा अमेरिकाका राष्ट्रपति बने। उनी यस पदमा पुग्ने पहिलो अमेरिकी मूलका अश्वेत (आफ्रीकी मूलका) नागरिक थिए।​२०१५: दक्षिणी सुडानको जुबा अन्तर्राष्ट्रिय विमानस्थलमा उडान भरेलगत्तै कार्गो विमान दुर्घटना हुँदा ३७ जनाको मृत्यु।​२०१५: पाकिस्तानको लाहोरमा एउटा भवन भत्किँदा ४५ जनाको मृत्यु तथा करिब १०० जना घाइते भए।​२०१८: दिल्लीका तत्कालीन मुख्यमन्त्री अरविन्द केजरीवालले

दुबई: आईसीसीद्वारा जारी ताजा महिला वनडे ऱ्याङकिंगमा भारतीय महिला क्रिकेट टोलीकी युवा स्पिनर वैष्णवी शर्मालाई सर्वाधिक फाइदा भएको छ। जिम्बाब्वेविरुद्ध ३ वटा वनडे म्याचको सीरीजमा असाधारण प्रदर्शनको दममा वैष्णीले ५३ स्थानको सुधार गरी ९४औं स्थान हासिल गरेकी छन्। २० वर्षीय वैष्णवीले जिम्बाब्वेविरुद्ध दोस्रो वनडे म्याचमा ४ अनि तेस्रो तथा अन्तिम म्याचमा ५ विकेट हासिल गरेकी थिइन्। आफ्नो करियरमा केवल ३ वटा वनडे म्याच खेल्ने वैष्णवीलाई यस प्रदर्शनले गर्दा प्लेयर अफ द सीरीज चयन गरिएको थियो। एकदिने बलरहरूकी ऱ्याङकिंगमा वैष्णीको साथमा अन्य भारतीय बलरहरूले पनि सुधार गरेकी छन्। पेस बलर सयाली सतघरे १८ स्थान अघि बढ़ेर ८५औं स्थानमा पुगेकी छन्। यसरी देब्रे हातकी स्पिनर क्रान्ति गौड़ पनि एक स्थानको सुधार गरी २४औं स्थानमा पुगेकी छन्। जिम्बाब्वेकी बलरहरूमा नोमवेलो सिबाण्डालाई पनि ऱ्याङकिंगमा फाइदा भएको छ। उनी दुई स्थान अघि बढ़ेर ६०औं स्थानमा पुगेकी छन्। बलरहरूकी साथमा भारतीय ब्याटरहरूले पनि आईसीसी वनडे ऱ्याङकिंगमा सुधार गरेकी छन्। ओपनिंग ब्याटर प्रतिका रावल ३ स्थानको फाइदासहित १८औं स्थानमा पुगेकी छन्। उनले जिम्बाब्वेविरुद्ध सीरीजमा लगातार ३ वटा अर्द्धशतक बनाएकी थिइन्। यसरी ओपनर शेफाली वर्माले पनि ८ स्थानको सुधार गरी संयुक्त रूपले ६५औं स्थान हासिल गरेकी छन्। जिम्बाब्वेकी ब्याटरहरूमा मोडेस्टर मुपाचिकवा ३ स्थान अघि बढ़ेर ३६औं स्थानमा पुगेकी छन्।

२१ किमी लामो खरसाङ-दार्जीलिङ रोप-वे र कालेम्बोङ मेडिकल कलेज मुख्य निर्णयहरूमा सामेल ​सिलगढी: उत्तर बङ्गालका लागि धेरै महत्त्वपूर्ण विकास योजनाहरूले स्वीकृति पाएका छन्। मङ्गलबार उत्तर कन्यामा आयोजित एक प्रशासनिक समीक्षा बैठकमा दार्जीलिङ पहाड, तराई, डुवर्स र उत्तर बङ्गालका अन्य क्षेत्रहरूमा यातायात, स्वास्थ्य सेवा, पर्यटन, खेलकुद तथा धार्मिक स्थलहरूको विकासका सम्बन्धमा धेरै मुख्य निर्णयहरू लिइयो। बैठकका विस्तृत विवरणहरू दार्जीलिङका सांसद राजु बिस्टले साझा गर्नुभयो।​मुख्य विकास निर्णयहरू:​खरसाङ-दार्जीलिङ रोप-वे: बैठकमा लिइएका महत्त्वपूर्ण निर्णयहरूमध्ये खरसाङदेखि दार्जीलिङसम्मको लगभग २१ किलोमिटर लामो रोप-वे परियोजनाको स्वीकृति प्रमुख रहेको छ। पहाडमा सवारी साधनको चाप घटाउन तथा स्थानीय बासिन्दा र पर्यटकहरूका लागि वैकल्पिक यातायातको माध्यम विकास गर्ने उद्देश्यले यो परियोजना अघि बढाइनेछ।​कालेम्बोङ मेडिकल कलेज: कालेम्बोङमा मेडिकल कलेज निर्माणको दिशामा पनि एउटा महत्त्वपूर्ण कदम चालिएको छ। सांसद राजु बिस्टले जानकारी दिनुभयो कि डिसेम्बर ०९ तारिखका दिन कालेम्बोङ मेडिकल कलेजको शिलान्यास गरिनेछ। यस परियोजनाले पहाडी क्षेत्रमा लामो समयदेखि महसुस गरिएको स्वास्थ्य सुविधाको अभावलाई सम्बोधन गर्न मद्दत पुर्‍याउने अपेक्षा गरिएको छ।​अस्पतालहरूको आधुनिकीकरण: यसका साथै दार्जीलिङ, खरसाङ, कालेम्बोङ, मिरिक र सिलीगुढीका अस्पतालहरूको मर्मत, आधुनिकीकरण र पूर्वाधार विस्तारका लागि पनि स्वीकृति प्रदान गरिएको छ।​लेबोङ ग्राउन्डको विकास: खेलकुद क्षेत्रतर्फ, दार्जीलिङको ऐतिहासिक लेबोङ ग्राउन्डलाई आधुनिक स्टेडियमको रूपमा विकास गर्ने स्वीकृति दिइएको छ।​महाकाल मन्दिरको सौन्दर्यीकरण: दार्जीलिङको प्रसिद्ध महाकाल मन्दिरको विकास र सौन्दर्यीकरणका लागि १९ करोड रुपियाँको बजेट स्वीकृत गरिएको छ।​बैठकपछि सांसद राजु बिस्टले दार्जीलिङ पहाड, तराई र डुवर्सका जनताका आवश्यकता र आकाङ्क्षाहरूलाई ध्यानमा राखेर विकास योजनाहरूलाई प्राथमिकता दिइँदैछ भन्दै खुसी व्यक्त गर्नुभयो।​

​गान्तोक: सिक्किम सरकारको खेलकुद तथा युवा मामिला विभागले ‘माउन्टेनियरिङ एन्ड एड्भेन्चर इन्स्टिच्युट अफ सिक्किम’ (एमएआईएस) को सहकार्यमा आयोजना गरेको ‘एड्भेन्चर क्याम्प कम ट्रेकिङ कार्यक्रम २०२६’ अन्तर्गत राज्यका अनुसूचित जनजाति (एसटी) तथा अनुसूचित जाति (एससी) समुदायका १२० जना युवालाई ड्जोङ्ग्री ट्रेकिङ अभियानका लागि प्रस्थान गराएको छ। प्रस्थान कार्यक्रममा खेलकुद तथा युवा मामिला विभागका निर्देशक डा. आरबी विश्वकर्मा, एभरेस्टर तथा विभागका नोडल अधिकारी कुन्जाङ ग्याछो भोटिया र एमएआईएसका निर्देशकको विशेष उपस्थिति रहेको थियो।​दश दिनसम्म सञ्चालन हुने यस कार्यक्रमअन्तर्गत सहभागी युवाहरूले दुईवटा समूहमा विभाजित भएर ड्जोङ्ग्री ट्रेकिङ अभियान पूरा गर्नेछन्। यस अभियानले युवाहरूलाई पर्वतारोहण, पदयात्रा, सामूहिक कार्य, नेतृत्व क्षमता तथा अनुशासनसम्बन्धी व्यावहारिक अनुभव प्रदान गर्नुका साथै हिमाली प्राकृतिक सौन्दर्यलाई नजिकबाट नियाल्ने अवसर प्रदान गर्नेछ। दुवै समूह आगामी ६ नोभेम्बरसम्म फर्कने तालिका रहेको छ र सोही दिन कार्यक्रमको औपचारिक समापन समारोह पनि आयोजना गरिनेछ।​यस पहलको मुख्य उद्देश्य एसटी तथा एससी समुदायका युवाहरूमा साहसिक खेलकुद र बाह्य गतिविधिप्रति रुचि बढाउनु, आत्मविश्वास एवं नेतृत्व क्षमताको विकास गर्नुका साथै साहसिक पर्यटन र पर्वतारोहणको क्षेत्रमा उनीहरूको सहभागिता प्रोत्साहित गर्नु रहेको छ। यो कार्यक्रमले युवा सशक्तीकरणसँगै सिक्किममा साहसिक खेलकुद तथा पर्यटन प्रवर्द्धन गर्ने राज्य सरकारको प्रतिबद्धतालाई स्पष्ट रूपमा प्रतिबिम्बित गरेको छ।

​गान्तोक: सिक्किमका राज्यपाल दुष्यन्त गौतमले आज गान्तोकस्थित हस्तशिल्प तथा हथकरघा निदेशालयको भ्रमण गर्नुभएको छ। यस अवसरमा उहाँले राज्यका समृद्ध परम्परागत कला तथा हस्तकलाहरूको सूक्ष्म अवलोकन गर्नुभयो। भ्रमणका क्रममा उद्योग विभागकी सचिव कर्मा डोमा युत्सो तथा निदेशालयका निर्देशक टीटी भोटियाले राज्यपाललाई स्वागत गर्दै निदेशालयका विभिन्न शाखाहरूको कार्यप्रणालीबारे विस्तृत जानकारी गराउनुभयो।​राज्यपालले निदेशालयका विभिन्न प्रशिक्षण तथा उत्पादन शाखाहरूको अवलोकन गर्नुभयो। यसअन्तर्गत सिक्किमको संस्कृति झल्काउने विभिन्न आकृति तथा परम्परागत बुट्टाहरू समावेश गरिएका ऊनी गलैँचा हातले बुन्ने गलैँचा बुनाइ शाखा, बहुहस्तकला शाखा, परम्परागत स्थानीय कपडा बुन्नका लागि आधुनिक तथा परम्परागत प्रविधिको प्रशिक्षण प्रदान गरिने हातकरघा प्रशिक्षण शाखा, काष्ठकला तथा थाङ्का चित्रकला शाखाको निरीक्षण गर्नुभयो। थाङ्का चित्रकला शाखामा प्रशिक्षार्थीहरूले प्राकृतिक रङहरूको प्रयोग गरी बौद्ध दर्शन तथा आध्यात्मिक कलालाई जीवन्त रूप दिने गरेका छन्। यसका साथै उहाँले रङ्गीचङ्गी तथा आकर्षक काठका मुखौटाहरू तयार गरिने मुखौटा निर्माण शाखाको पनि अवलोकन गर्नुभयो। ​भ्रमणका क्रममा राज्यपालले प्रशिक्षार्थी तथा प्रशिक्षकहरूसँग अन्तरक्रिया गर्नुभयो। उहाँले कारीगरहरूसँग उनीहरूको प्रेरणाका स्रोतबारे जानकारी लिनुका साथै हस्तकलाप्रतिको उनीहरूको गहिरो रुचिको प्रशंसा गर्नुभयो। उहाँले कारीगरहरूको उत्साहवर्धन गर्दै तयार गरिएका उत्पादनहरूलाई बजारको मागअनुरूप बनाउन अपनाइने डिजाइनबारे पनि जानकारी लिनुभयो। यसका अतिरिक्त, प्रशिक्षण पूरा भएपछि स्वरोजगार तथा आर्थिक आत्मनिर्भरताका अवसरहरू उपलब्ध गराउने व्यवस्थाबारे जानकारी लिनुभयो।​यस अवसरमा आफ्ना विचार व्यक्त गर्दै राज्यपालले कारीगरहरूको समर्पण तथा आफ्नो सांस्कृतिक सम्पदाको संरक्षणका लागि उनीहरूले गरिरहेको प्रयासको प्रशंसा गर्नुभयो। उहाँले यस्ता हस्तकला गतिविधिहरूले सिक्किमको विशिष्ट सांस्कृतिक पहिचानलाई जीवन्त राख्नुका साथै स्थानीय अर्थतन्त्रलाई मजबुत बनाउन, ग्रामीण युवाहरूलाई स्वरोजगारका अवसर प्रदान गर्न तथा महिला सशक्तीकरणलाई प्रोत्साहन गर्न महत्त्वपूर्ण भूमिका निर्वाह गरिरहेको बताउनुभयो। राज्यपालले अधिकारीहरूलाई सिक्किमका यी उत्पादनहरूको ब्रान्डिङ तथा बजार प्रवर्द्धन राष्ट्रिय र अन्तरराष्ट्रिय स्तरसम्म विस्तार गर्न निर्देशन दिनुभयो, ताकि देश तथा विदेशका बजारमा सिक्किमको कलाले उचित पहिचान र स्थान प्राप्त गर्न सकोस्।​