१५ मईः विश्वकी नम्बर एक खेलाड़ी इगा स्वियातेकले रोममा जारी इटली ओपन टेनिस टुर्नामेण्टको सेमिफाइनलमा शनिवार आर्यना सबालेंकालाई ६-२, ६-१-ले पराजित गरी लगातार २७औं जीतको साथ सेरेना विलियम्सकी रेकर्डको बराबरी गरिन्। सेरेनाले २०१४-देखि २०१५-बीच यस उपलब्धिलाई हासिल गरेकी थिइन्। रोममा आफ्नो खिताब बचाउनको साथै लगातार पाँचौं टुर्नामेण्ट जित्ने प्रयासमा रहेकी पोल्याण्डकी २० वर्षीय खेलाड़ीले आठौं ऱ्याङ्किङ्ग भएकी सबालेंकालाई कुनै मौका दिइनन्। आइतवार राति खेलिने फाइनलमा स्वियातेकको सामना ओन्स जबूर र रुसकी दारिया कसाटकिनाबीच खेलिने दोस्रो सेमिफाइनल म्याचको विजेतासँग हुनेछ। जबूरले सेमिफाइनल अघि लगातार १० वटा म्याच जितेकी छन्। यसबीच पुरुष एकलको सेमिफाइनलमा विश्वका नम्बर एक खेलाड़ी सर्बियाका नोवाक जोकोविचको सामना केस्पर रुडसँग हुनेछ। यसरी नै दोस्रो सेमिफाइनल जर्मनीका अलेक्जेण्डर ज्वेरेव र ग्रीसका स्टीफानोस सितसिपासबीच खेलिनेछ।