नयाँ दिल्ली: एशियाई खेलहरू अघि भारतीय भारोत्तोलन (वेट लिफ्टिंग) टोलीलाई ठूलो झट्का लागेको छ। राष्ट्रमण्डल खेलहरू २०२६-का रजत पदक विजेता रिषिकान्त सिंह चोटले गर्दा महाद्वीपीय खेलहरूबाट बाहिर भएका छन्। उनी एशियाई खेलहरूको निम्ति चयन गरिएका भारतीय टोलीमा एकमात्र पुरुष भारोत्तोलक थिए। मणिपुरका रिषिकान्तले ६० किग्रा वर्गमा प्रतिस्पर्धा गर्छन्। उनको घुँड़ामा चोट लागेको छ, जसले उनी एशियाई खेलहरूबाट बाहिर भएका छन्। रिषिकान्तलाई जुलाईमा ग्लास्गोमा भएको राष्ट्रमण्डल खेलहरूभन्दा लगभग एक हप्ता अघि घुँड़ामा चोट लागेको थियो। चोट लिएर नै उनले प्रतियोगितामा हिस्सा लिएर रजत पदक जितेका थिए। भारतीय भारोत्तोलन महासंघका एकजना शीर्ष अधिकारीले भनेका छन्, हामीलाई एशियाई खेलहरू अघि रिषिकान्त फिट हुने आशा थियो तर दुर्भाग्यले त्यस्तो हुन सकेन। जाँचपछि उनलाई लगभग एक महिना पुनर्वासको सल्लाह दिइएको छ। रिषिकान्त बाहिर भएपछि एशियाई खेलहरूका निम्ति भारतीय भारोत्तोलन टोलीमा अहिले केवल चारजना महिला खेलाड़ी रहेकी छन्। यसमा टोक्यो ओलम्पिककी रजत पदक विजेता मीराबाई चानूले ४९ किग्रा वर्गमा चुनौती पेश गर्नेछिन्। यसबाहेक ज्ञानेश्वरी यादवले ५३ किग्रा, निरुपमा देवीले ६१ किग्रा र हरजिन्दर कौरले ६९ किग्रा वर्गमा हिस्सा लिनेछिन्। रिषिकान्त बाहिर हुँदा भारतीय टोलीलाई पुरुष वर्गमा ठूलो नोक्सान भएको छ। अब टोलीलाई महिला भारोत्तोलकहरूबाट असल प्रदर्शनको आशा रहनेछ। उल्लेखनीय छ, रिषिकान्तले २०२२ राष्ट्रमण्डल खेलहरूमा ५५ किग्रा वर्गबाट अन्तर्राष्ट्रिय यात्राको शुरुवात गरेका थिए। त्यसपछि उनले ओजन वर्ग बदलिएर ६०/६१ किग्रा वर्गमा स्वयंलाई स्थापित गरे। २०२४ राष्ट्रिय भारोत्तोलन च्याम्पियनशीपमा उनले ६१ किग्रा वर्गको स्न्याचमा १२४ किग्रा ओजन उठाएर राष्ट्रिय रेकर्ड बनाएका थिए। त्यसपछि उनले २०२५ राष्ट्रमण्डल भारोत्तोलन च्याम्पियनशीपमा स्न्याचमा १२० किग्रा अनि क्लीन एण्ड जर्कमा १५१ किग्रा सहित जम्मा २७१ किग्रा ओजन उठाएर स्वर्ण पदक जितेका थिए। त्यही २७१ किग्रा ओजनले भारतीय राष्ट्रिय रेकर्ड बनिनको साथै उनलाई लगातार दोस्रोपल्ट राष्ट्रमण्डल खेलहरूका टिकट दिलाएको थियो।