गान्ताेकको सहरी विकास र बजेटबारे छलफल

​गान्ताेक: गान्ताेक नगर निगम (जीएमसी) का मेयर छिरिङ पाल्देन भुटियाले बुधबार नयाँ दिल्लीस्थित मन्त्रालयमा केन्द्रीय आवास तथा सहरी मामिला राज्यमन्त्री तोखन साहूसँग शिष्टाचार भेटवार्ता गरेका छन्। सिक्किमका लोकसभा सांसद इन्द्रहाङ सुब्बाको विशेष उपस्थितिमा उक्त भेटघाट भएको हो।
​सिक्किमका मुख्यमन्त्री प्रेमसिंह तामाङको निर्देशन बमोजिम नयाँ दिल्ली पुगेको प्रतिनिधिमण्डलले १५औँ र १६औँ वित्त आयोग अन्तर्गत पाइने केन्द्रीय अनुदान प्राप्तिका लागि सम्पत्ति कर सम्बन्धी मापदण्डमा लचिलोपन/छुट दिनुपर्ने माग राखेको छ।
​बैठकमा केन्द्रीय वित्तीय सहयोग आवश्यक पर्ने ग्याङटोक शहरको समग्र विकासका प्रस्तावहरूका साथै स्वच्छ भारत मिसन अन्तर्गत हाल सञ्चालित आयोजनाहरूको प्रगतिका विषयमा गहन छलफल भएको जनाइएको छ।
​भेटका क्रममा केन्द्रीय राज्यमन्त्री साहूले प्रतिनिधिमण्डललाई पूर्ण सहयोग र समन्वयको आश्वासन दिँदै उठाइएका विषयहरूलाई आवश्यक कारबाहीका लागि सम्बन्धित निकायमा अघि बढाउने प्रतिबद्धता व्यक्त गरे।
​यस छलफलले ग्याङटोकको सहरी पूर्वाधारलाई मजबुत बनाउँदै शहरलाई अझ स्वच्छ, सुदृढ र जीवन्त बनाउनेतर्फ सबै सरोकारवालाहरूको प्रतिबद्धतालाई पुनः पुष्टि गरेको छ।