रंगबुल फूटबल एकाडमीको तत्त्वावधानमा आयोजित ओपन नक्आउट फूटबल टुर्नामेण्टमा युनाइटेड खरसाङ फूटबल क्लब (यूकेएफसी)-ले क्वार्टर फाइनलमा स्थान बनायो। रंगबुल खेल मैदानमा शनिवार भएको म्याचमा यूकेएफसी-ले जर्जियन एफसी-लाई २-१-ले पराजित गऱ्यो। विजेता टीमबाट छोपेल तामाङ र राज राउतले गोल गरे। यसरी नै जर्जियन एफसी-बाट प्रवीण सुब्बाले १ गोल गरे। यूकेएफसी-का आकाश प्रधानलाई प्लेयर अव् द म्याच चयन गरियो। यस टुर्नामेण्टमा जम्मा २० वटा टीमलाई स्थान दिइएको छ। दुईवटा सेमिफाइनल २४ र २७ जनवरीमा हुनेछ। यसरी नै फाइनल २९ जनवरीमा खेलिनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा १.५ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ७५ हजार रुपियाँको नगद पुरस्कार प्रदान गरिनेछ।