नयाँ दिल्ली: दक्षिण अफ्रिकाका पूर्व कप्तान तथा ओपनिंग ब्याटर डीन एल्गरले क्रिकेटबाट सन्न्यास लिने घोषणा गरेका छन्। यस ३९ वर्षीय ब्याटरले २०२६ सीजनको अन्तमा पेशादार क्रिकेटको सबै प्रारूपबाट सन्न्यास लिनेछन्। यसको साथै २ दशकभन्दा लामो उनको असाधारण करियरको पनि अन्त हुनेछ। एल्गरले आफ्नो परिवारलाई अधिक समय दिन यस्तो फसेला गरेका छन्। डीन एल्गरले दक्षिण अफ्रिकाको निम्ति ८६ वटा टेस्ट म्याच खेलेर ३७.९२-को औसतले ५३४७ रन बनाए। टेस्ट क्रिकेटमा उनको नाममा १४ वटा शतक रहेको छ। उनको सर्वश्रेष्ठ स्कोर १९९ रन रह्यो, जुन उनले २०१७-मा बंग्लादेशविरुद्ध बनाएका थिए। यसरी उनले दक्षिण अफ्रिकाको तर्फबाट ८ वटा वनडे म्याच खेलेर १०४ रन बनाए। उनले टेस्टमा १५ र वनडेमा २ विकेट पनि लिएका छन्। एल्गरले १८ वटा टेस्ट म्याचमा दक्षिण अफ्रिकी टोलीको कप्तानी पनि गरे। उनले जनवरी २०२४-मा भारतविरुद्ध केपटाउन टेस्ट म्याचमा अन्तिमपल्ट कप्तानी गरेका थिए। त्यस म्याचमा नियमित कप्तान तेम्बा बावूमा चोटले गर्दा टोलीको हिस्सा थिएनन्। आफ्नो फसेलाको घोषणा गर्दै एल्गरले भने, मेरो विचारमा यही सही समय हो। म ३९ वर्षको भइसकेको छु अनि घरमा धेरै कुरा चलिरहेको छ। नानीहरू तेजीको साथ हुर्किरहेका छन्। म अब आफ्नो परिवारसँग रहन चाहन्छु। एल्गरले दक्षिण अफ्रिकाको निम्ति १२ साल खेल्नु अनि टोलीको कप्तानी गर्नुलाई आफ्नो करियरको सबैभन्दा गौरवपूर्ण समय बताएका छन्। उनले भने, पछि फर्किएर हेर्दा मेरो क्रिकेट करियर यति लामो समयसम्म चल्नेछ भन्ने धेरै कम्ती मानिसहरूले नै सोचेका थिए जस्तो लाग्छ। दुई दशकभन्दा लामो करियर रहनु खास कुरा हो। एल्गरले आफ्नो करियरको सबैभन्दा यादगार क्षणहरूमा कप्तानको रूपमा लर्डसमा ईंग्ल्याण्डविरुद्ध हासिल गरेको जीतको कुरा उल्लेख गरे। उनले कप्तानीमा दक्षिण अफ्रिकाले विश्व टेस्ट ऱ्याङकिंगमा निक्कै सुधार गरेको थियो। एल्गर कप्तान बनिँदा टोली सातौं स्थानमा रहेको थियो जबकि उनको कार्यकालको अन्तसम्म टोली दोस्रो स्थानमा पुगिसकेको थियो।