नयाँ दिल्ली: आगामी १-२ सेप्टेम्बरको दिन प्रधानमन्त्री नरेन्द्र मोदीले कर्नाटक र केरलाको यात्रामा जानेछन्। प्रधामन्त्री कोच्चिमा कोचीन शिपयार्डमा पहिलो स्वदेशी विमानवाहक पोत आईएनएस विक्रान्तलाई राष्ट्रलाई समर्पित गर्नेछन्। उनले मंगलुरूमा लगभग ३८०० करोड़ रूपियाँको धेरै परियोजनाहरूको उद्घाटन र शिलान्यास गर्नेछन्। प्रधानमन्त्री कार्यालयले मंगलवार जानकारी गराएको छ, प्रधानमन्त्री नरेन्द्र मोदी १-२ सेप्टेम्बरमा कर्नाटक र केरलाको यात्रामा जानेछन्। उनले साझँ ६ बजी कोचीन हवाई अड्डा नजिक कलाडी गाउँमा आदि शंकराचार्यको पवित्र जन्मस्थान श्री आदि शंकर जन्मभूमि क्षेत्रको यात्रा गर्नेछन्।
उनले २ सेप्टेम्बरमा बिहान ९.३० बजी कोच्चिमा कोचीन शिपयार्ड लिमिटेडमा आईएनएस विक्रान्तको रूपमा पहिलो स्वदेशी विमानवाहक पोत समर्पित गर्नेछन्। प्रधानमन्त्री विशेष रूपमा रणनीतिक क्षेत्रहरूमा आत्मनिर्भर भारतको प्रबल समर्थक रहेका छन्। आयोजनमा उनले औपनिवेशिक अतीतलाई पछि छोड्दै र समृद्ध भारतीय समुद्री विरासत अनुरूप नयाँ नौसेना पताका (निशान) को पनि अनावरण गर्नेछन्। यसपछि दिउँसो १.३० बजी उनले मंगलुरूमा लगभग ३८०० करोड़ रूपियाँको परियोजनाहरूको उद्घाटन र शिलान्यास गर्नेछन्। उनले न्यू मैङ्गलोर पोर्ट अथोरिटीद्वारा शुरू गरिएको कन्टेनरहरू र अन्य कार्गोलाई सम्हाल्नका लागि बर्थ नम्बर १४ को मशीनीकरणको निम्ति २८० करोड़ रूपियाँभन्दा धेरैको परियोजनाको उद्घाटन गर्नेछन्। प्रधानमन्त्रीले बन्दरगाहद्वारा शुरू गरिएको लगभग १००० करोड़ रूपियाँको पाँच परियोजनाहरूको आधारशिला राख्नेछन्।