​सिलगढी: सर्वसाधारणको सुरक्षा र आपराधिक गतिविधि नियन्त्रण गर्न सिलगढी पुलिस कमिश्नरेटले शहरका विभिन्न संवेदनशील स्थानहरूमा रात्रिकालीन ‘नाका चेकिङ’ तीव्र पारेको छ। सिलगढी पुलिस कमिश्नरेटअन्तर्गतका विभिन्न ट्राफिक गार्डहरूले शहर तथा आसपासका मुख्य क्षेत्रहरूमा टोली परिचालन गरी संदिग्ध सवारी साधन र व्यक्तिहरूमाथि कडा निगरानी राखेका हुन्।
​सम्भावित अवाञ्छित घटना तथा शंकास्पद गतिविधि रोक्न पूर्वसावधानी स्वरूप यो अभियान सञ्चालन गरिएको प्रहरीले जनाएको छ। चेकिङका क्रममा सडकमा गुड्ने गाडीहरू र हिँड्डुल गर्ने व्यक्तिहरूको टोलीले गहन जाँच गरिरहेको छ। नागरिकहरूलाई सुरक्षित र भयरहित वातावरण कायम राख्न सिलगढी पुलिस निरन्तर सतर्क र सक्रिय रहने पुलिस कमिश्नरेटले स्पष्ट पारेको छ।