भने: ‘सैनिकका लागि रगतको कमी हुन दिइने छैन’

​नयाँ दिल्ली: दिल्लीमा आयोजित ‘सिन्दुर आर्मी महा ब्लड डोनेशन यात्रा’ (महा रक्तदान यात्रा) को दोस्रो संस्करणलाई सम्बोधन गर्दै भारतीय रक्षामन्त्री राजनाथ सिंहले रक्तदानलाई देशका वीर जवानहरूप्रतिको राष्ट्रिय जिम्मेवारीसँग जोडेका छन्। उनले एकातिर ‘अपरेसन सिन्दुर’ ले भारतीय सशस्त्र बलको सौर्य र पराक्रमलाई देखाएको छ भने अर्कोतिर यो रक्तदान अभियान देशको करुणा र संवेदनशीलताको प्रतीक भएको बताए।
​रक्षामन्त्री सिंहले देशको सीमा रक्षा गर्दा घाइते हुने कुनै पनि सैनिकले रगतको अभाव झेल्नु नपरोस् भन्ने सुनिश्चित गर्नु नै यस अभियानको मुख्य उद्देश्य रहेको स्पष्ट पारे।
​‘अपरेसन सिन्दुर’ को उल्लेख गर्दै उनले भारतले सीमापार गएर देशका नागरिक र बालबालिकामाथि आँखा लगाउने दुस्साहस गर्नेहरूलाई कडा जवाफ दिएको बताए। अब देशभित्र रक्तदानका माध्यमबाट सैनिकहरूप्रति सम्मान प्रकट गर्ने र आफ्नो जिम्मेवारी निभाउने समय आएको उनको भनाइ थियो।