​गान्तोक: सिक्किमका पूर्व राज्यपाल गङ्गा प्रसादले आज लोकभवनमा राज्यका माननीय राज्यपाल दुष्यन्त गौतमसँग शिष्टाचार भेट गरेका छन्।
​भेटका क्रममा दुवै महानुभावबिच एक-अर्काको कुशलक्षेम आदानप्रदान हुनुका साथै विभिन्न समसामयिक विषयहरूमा सार्थक छलफल भएको छ। सो अवसरमा पूर्व राज्यपाल गङ्गा प्रसादले सिक्किममा आफ्नो कार्यकालका पुराना स्मृतिहरू माननीय राज्यपालसमक्ष साझा गरे। उनले सिक्किमको अनुपम प्राकृतिक सुन्दरता, सामाजिक सद्भाव र समृद्ध सांस्कृतिक परम्पराको खुलेर प्रशंसा गर्दै आफ्ना अनुभवहरू सुनाएका थिए।
​भेटवार्ताको अन्त्यमा माननीय राज्यपाल दुष्यन्त गौतमले पूर्व राज्यपाल गङ्गा प्रसादको सुस्वास्थ्य, दीर्घायु तथा सक्रिय जीवनको हार्दिक मङ्गलकामना व्यक्त गरे।