दार्जिलिङ: दार्जिलिङका सांसद राजु विष्टले आज भारतीय जनता पार्टीका पश्चिम बंगाल राज्य अध्यक्ष समिक भट्टाचार्यसँग भेटवार्ता गरेका छन्। भेटको क्रममा उनले उत्तर बंगालका विभिन्न क्षेत्रको वर्तमान अवस्थाबारे जानकारी गराउँदै संगठनसँग सम्बन्धित विषयमा विस्तृत छलफल भएको बताए। सांसद राजु विष्टले समिक भट्टाचार्यको नेतृत्वमा पार्टीले २०२६ को पश्चिम बंगाल विधानसभा चुनाउमा ऐतिहासिक विजय प्राप्त गरेको बताएका छन्। उनले भट्टाचार्यको कुशल संगठनात्मक क्षमता, जनस्तरसम्मको पहुँच तथा जिल्ला र बुथ तहसम्मको प्रभावकारी समन्वयले राज्यभरि पार्टीको आधार बलियो बनाउन महत्वपूर्ण भूमिका खेलेको उल्लेख गरेका छन्। सांसद विष्टले समिक भट्टाचार्यको पार्टीलाई प्रत्येक तहमा बलियो बनाउने प्रतिबद्धताले पश्चिम बंगालमा भाजपाको प्रमुख शक्ति बनेको बताए। यसको साथै भट्टाचार्यको मार्गदर्शनमा जनताको आकांक्षा पूरा गर्दै पश्चिम बंगालको गौरव पुनःस्थापित गर्न पार्टीले निरन्तर काम गर्ने बताए।