सिलगढीमा पोक्सो ऐन र मानव बेचबिखनविरुद्ध सचेतना कार्यक्र

​सिलगढी: समुदायमा आधारित सचेतना अभिवृद्धि कार्यक्रमअन्तर्गत सिलगढी महिला पुलिस थानाले ‘शक्ति वाहिनी’ नामक गैरसरकारी संस्थासँगको सहकार्यमा सिलीगुडीस्थित रामकृष्ण शारदामणि विद्यापीठ उच्च विद्यालयमा एक विशेष सचेतना कार्यक्रमको आयोजना गरेको छ।
​उक्त कार्यक्रममा पोक्सो ऐनका कानुनी प्रावधान, मानव बेचबिखन नियन्त्रण तथा रोकथाम र लागूऔषध दुर्व्यसनका गम्भीर असरहरूबारे विद्यार्थीहरूलाई विस्तृत जानकारी गराइएको थियो।
​सो अवसरमा विद्यार्थीहरूलाई उनीहरूको अधिकार, व्यक्तिगत सुरक्षाका उपायहरू, शोषणविरुद्ध सजग रहने तरिका र लागूऔषधको दुर्व्यसनबाट कसरी जोगिने भन्ने विषयमा सचेत गराइएको छ।
​एक सुरक्षित र सुदृढ समाज निर्माणका लागि सचेतना, शिक्षा र सामुदायिक साझेदारीका माध्यमबाट युवा वर्गलाई सशक्त बनाउन आफूहरू निरन्तर प्रतिबद्ध रहेको सिलगढी पुलिस कमिश्नरेटले जनाएको छ।