नयाँ दिल्ली: विश्व कप २०२६-को फाइनलमा स्पेनविरुद्ध हारको सामना गरेपछि मैदानमा झगड़ा गरेको मामिलामा फिफाले अर्जेण्टिनाका तीनजना खेलाड़ीहरूविरुद्ध कठोर कार्वाही गरेको छ। मीडफिल्डर लिएण्ड्रो परेडेसलाई १० वटा म्याचको निम्ति निलम्बित गरिेको छ। यो विश्व कप इतिहासको सबैभन्दा कठोर शास्तीहरूमा एक हो। यसको साथमा फिफाले अर्जेण्टिनाका डिफेण्डर नाहुेल मोलिनामाथि ७ वटा म्याच अनि थियागो अल्माडामाथि एउटा म्याचको प्रतिबन्ध लगाएको छ। यसको साथमा पेरेडेस र मोलिनामाथि ९०-९० हजार डलर जबकि अल्माडामाथि ३० हजार डलरको जरिमाना पनि लगाइएको छ। फिफाले बताएअनुसार, फाइनलपछि भएको झगड़ाको अवधि परेडेसले स्पेनका एरिक गार्सियाको घाँटी पक्रिएका थिए अनि गावीलाई पनि जमीनमा धक्का दिएका थिए। परेडेसमाथि लगाइएको १० वटा म्याचको प्रतिबन्धले २०२७-सम्म अर्जेण्टिनाको तर्फबाट खेल्ने सम्भावनाहरूलाई प्रभावित गर्नेछ। फिफा क्यालेण्डर अनुसार, जून २०२७-सम्म अर्जेण्टिनाको १० वटा म्याच निर्धारित छ। यस अवधि केही मैत्री म्याचहरू पनि हुन सक्नेछ कारण अहिले कुनै प्रतिस्पर्धी म्याच तय छैन। फिफाले स्पेनका मीडफिल्डर गावीमाथि एउटा म्याचको प्रतिबन्ध लगाएको छ। अब उनले २६ सेप्टेम्बरमा वेम्बलीमा ईंग्ल्याण्डविरुद्ध खेलिने म्याचमा हिस्सा लिन सक्नेछैनन्। यसरी अर्जेण्टिनाई कोचिंग स्टाफहरूमा सामेल रोबर्तो अयालामाथि पनि ३ वटा म्याचको प्रतिबन्ध लगाइएको छ। उनीमाथि ३० हजार डलरको जरिमाना पनि लगाइएको छ। फिफाले कठोर कदम उठाउँदै अर्जेण्टिना फूटबल संघ (एएफए)-माथि पनि जम्मा १.१० लाख डलरको भारी जरिमाना तोकेको छ। फिफा विश्व कपको अवधि धेरै घटनाहरूलाई यसको आधार बनाइएको छ, जसमा सेमिफाइनलमा ईंग्ल्याण्डविरुद्ध जीतपछि खेलाड़ीहरूले फकल्याण्ड द्वीप समूहसँग सम्बन्धित राजनैतिक नारा रहेको ब्यानर मैदानमा देखाएको मामिला पनि सामेल छ। यसरी अर्जेण्टिनाई प्रशंसकहरूले भेदभावपूर्ण नारा पनि लगाएका थिए। यसैकारण एएफए-लाई नस्लवाद विरोधी परियोजनाहरूमाथि १ लाख डलर खर्च गर्ने आदेश पनि दिइएको छ। एएफए-ले बताएअनुसार, उनीहरूको कानूनी विभागले फिफासँग फसेलाहरूको विस्तृत आधारको माग गर्ने अनि त्यसपछि फिफाको अपील समिति समक्ष चुनौती पेश गर्नेछ। आवश्यकता परे अर्जेण्टिना खेल पञ्चाट न्यायालय (सीएस)-को शरण पनि जानसक्छ। उल्लेखनीय छ, परेडेसमाथि लगाइएको १० वटा म्याचको प्रतिबन्ध विश्व कपसँग सम्बन्धित मामिलाहरूमा धेरै कठोर शास्ती हो। यसअघि २०१४-मा उरुग्वेका स्टार फरवर्ड लुईस सुआरेजमाथि इटलीका जियोर्जियो चिएलिनीलाई टोकेको मामिलामा ४ महिनाको निम्ति फूटबलबाट निलम्बित गरिएको थियो। उनले उरुग्वेको निम्ति ८ वटा प्रतिस्पर्धी म्याचबाट बाहिर गरिएको थियो। यसरी क्रोएशियाका जोसिप सिमुनिचमाथि २०१३ विश्व कप क्वालीफाईंग प्लेअफ् पछि १० वटा म्याचको प्रतिबन्ध लगाइएको थियो। उल्लेखनीय छ, गत महिना न्यू जर्सीको ईष्ट रदरफोर्डमा खेलिएको विश्व कपको फाइनलमा स्पेनले अर्जेण्टिनालाई १-०-ले पराजित गरी ट्रफी जितेक थियो। स्पेनिश फरवर्ड फेरान टोरेसले अतिरिक्त समयको दोस्रो हाफमा निर्णायक गोल गरेका थिए। त्यसअघि अर्जेण्टिनाका मीडफिल्डर एञ्जो फर्नाण्डेजलाई रातो कार्ड देखाइएको थियो। म्याच समाप्त भएपछि अर्जेण्टिनाका खेलाड़ीहरूले स्पेनिश खेलाड़ीहरूसँग कुटपीट गरेका थिए।