लण्डन: विश्वका नम्बर १ पुरुष टेनिस खेलाड़ी यानिक सिनरले विम्बल्डन २०२६-मा आफ्नो असाधारण फर्मलाई कायम राख्दै क्वार्टर फाइनलमा प्रवेश गरे। उनले प्री-क्वार्टर फाइनलमा जापानका क्वालीफायर शिण्टारो मोचिजुकीलाई ६-३, ७-६ (०), ६-३-ले पराजित गरे। यस जीतको साथै सिनर लगातार पाँचौंपल्ट विम्बल्डनको क्वार्टर फाइनलमा पुगे। यसरी महिला एकलमा जापानकी स्टार खेलाड़ी नाओमी ओसाकाले सेण्टर कोर्टमा असाधारण प्रदर्शन गर्दै विश्वकी नम्बर १ खेलाड़ी आर्यना सबालेंकालाई सीधा सेटमा ६-२, ७-६ (२)-ले पराजित गरी पहिलोपल्ट टुर्नामेण्टको क्वार्टर फाइनलमा स्थान बनाइन्। जापानी प्रतिद्वन्द्वीविरुद्ध जीतको साथ सिनर ओपर एरामा ग्रास कोर्टमा खेलिने यस ग्राण्ड स्ल्याममा ५ पल्ट क्वार्टर फाइनलमा पुग्ने केवल ११औं खेला़डी बने। सक्रिय खेलाड़ीहरूमा उनीभन्दा अघि यस उपलब्धिलाई केवल ७ पल्टका विम्बल्डन च्याम्पियन नोवाक जोकोविचले हासिल गरेका छन्। स्कोरलाइनले म्याच एकतर्फी रहेको प्रतीत भए पनि म्याचको अवधि मोचिजुकीले धेरैपल्ट सिनरलाई चेपारोमा पारे। पहिलो सेटमा उनले शुरुवाती ब्रेक पोइण्ट बनाए तर सिनरले त्यसलाई बचाउँदै चाँड़ै उनको सर्विस तोड़ने अनि ६-३-ले सेट आफ्नो नाम गरे। दोस्रो सेट सबैभन्दा रोमाञ्चक रह्यो। मोचिजुकीले असाधारण सर्विस र शक्तिशाली डिफेन्सको दममा सेटमा ४-४-को बराबरी हासिल गरे। लामो ऱ्यालीहरूमा उनले सिनरलाई लगातार चुनौती दिए। टाई-ब्रेकरमा चाहिँ सिनरलाई अनुभवको फाइदा हासिल भयो अनि उनले कुनै अंक नगुमाइ ७-०-ले टाई-ब्रेकर जिते। त्यसपछि तेस्रो सेटमा सिनरले शुरुदेखि नै आफ्नो वर्चस्व कायम राखे अनि ६-३-ले तेस्रो सेट र म्याच जिते।
यसरी महिला एकलमा ओसाकाले सबालेंकालाई स्तब्ध बनाइन्। केवल १ घण्टा २८ मिनटसम्म चलेको म्याचमा ओसाकाले बेलारुसकी खेलाड़ीलाई अधिक मौका दिइनन्। उनले शक्तिशाली सर्विस र आक्रामक ग्राउण्ड स्ट्रोक्सको साथ सबालेंकालाई दबाउमा राखिन्। यसरी ओसाकालाई ६-२-ले पहिलो सेट जित्न कुनै समस्या भएन। दोस्रो सेटमा चाहिँ सबालेंकाले पुनरागमनको प्रयास गरिन् अनि सेट टाई-ब्रेकरसम्म पुग्यो। टाई-ब्रेकरमा पनि ओसाकाले असाधारण प्रदर्शन गर्दै ७-२-ले जीत हासिल गरी क्वार्टर फाइनलमा प्रवेश गरिन्। यो जीत ओसाकाको निम्ति निक्कै खास रह्यो कारण यस साल सबालेंकाविरुद्ध यसअघि खेलिएको तीनैवटा म्याचमा उनले हारको सामना गर्नु परेको थियो। यसबाहेक उनले २०१८-को यूएस ओपनपछि पहिलोपल्ट सबालेंकालाई पराजित गरिन्। यस हारको साथै सबालेंकाको लगातार १४ वटा ग्राण्ड स्ल्याम क्वार्टर फाइनलमा पुग्ने क्रम पनि तोड़ियो। यो क्रम २०२२-को यूएस ओपनपछि शुरु भएको थियो। यसरी २०२० यूएस ओपनपछि सबालेंकाले पहिलोपल्ट कुनै ग्राण्ड स्ल्याम म्याच सीधा सेटमा गुमाइन्।