अम्बेडकरनगर: केन्द्रीयकृषि एवं किसान कल्याण मन्त्री नरेन्द्र सिंह तोमरले मंगलबार यहाँ भने, ‘प्रधानमन्त्री नरेन्द्र मोदीको नेतृत्वमा देश अनि मुख्यमन्त्री योगी आदित्यनाथको नेतृत्वमा उत्तर प्रदेश समृद्धिको पथमा निरन्तर अघि बढ़िरहेको छ। हामी सबैको यही इच्छा छ कि यी दुईको नेतृत्व यशस्वी रहोस् तथा दुवैको नेतृत्वमा भारत विश्वगुरू बनोस्l’

मन्त्री तोमरले १,२१२ करोड़ रुपियाँको लागतमा निर्माण हुने २,३३९ विकास परियोजनाहरूको लोकार्पण एवं शिलान्यास कार्यक्रमलाई सम्बोधन गरिरहेका थिए। उनले प्रधानमन्त्री मोदीको नौ वर्षलाई अभूतपूर्व बताउँदै भने, ‘त्यसबेला गर्वले छात्ती फुलिन्छ जतिबेला अन्य देशका मन्त्रीहरू भारतको धरतीमा आएर यसो भन्छन्- माथि बस्नेले हामी सबैको सुनुन्। मोदी जस्ता प्रधानमन्त्री दुनियाँको हरेक देशलाई प्राप्त होस्। प्रधानमन्त्री मोदीले स्वतन्त्रताको अमृत महोत्सवलाई देशभरि नै उत्कृष्ट ढंगमा सम्पन्न गरेका छन्। त्यसबेला प्रधानमन्त्रीले भनेका थिए, स्वतन्त्रताको महोत्सव समारोहको अवसर होइन। यो त संकल्पलाई पूरा गर्ने अवसर हो। हामी सबैले नयाँ भारत निर्माणको लागि संकल्प लिनुपर्छ। आज लिएको संकल्प आगामी २५ वर्षमा सिद्ध हुनेछl’

केन्द्रीय मन्त्रीले यो पनि भने, ‘स्वतन्त्रताको शताब्दि वर्ष हामीले मनाइरहेको बेला विश्वमा भारतको एउटा भिन्नै स्वरूप हुनेछ। आज देशको नेतृत्व प्रधानमन्त्री मोदीले गरिरहेका छन् भने देशको सबैभन्दा विशाल राज्यको नेतृत्व मुख्यमन्त्री योगीले गरिरहेका छन्। हामी चाहन्छौ, प्रधानमन्त्री मोदी र मुख्यमन्त्री योगीको नेतृत्वमा भारत समृद्धशाली होस्l’ हिस