चेन्नईः भगवान विष्णुलाई समर्पित तमिलनाडुको विश्वप्रसिद्ध श्रीरङ्गम श्रीरङ्गनाथस्वामी मन्दिरको पूर्वी प्रवेश स्तम्भको भित्ताको एक भाग आधा रातपछि लगभग दुई बजे ढलेर क्षतिग्रस्त भएको छ। यस घटनामा ज्यानहानि भएको सूचना प्राप्त भएको छैन। यो मन्दिर तिरूचिरापल्लीदेखि १२ किलोमीटर टाड़ा श्रीरङ्गममा अवस्थित छ।

भनिन्छ, पूर्वी प्रवेश द्वारको पहिलो र दोस्रो स्तरको परिसरका भित्ताहरू चर्किएको कारणले मरम्मत भइरहेको छ। यसै अवधि पहिलो स्तरको भित्ताको एक भाग भत्कियो। उक्त घटनाको कारणले बिहान मन्दिरमा आएका श्रद्धालुहरूमा खैलाबैला मच्चियो। शनिवारको दिन वैष्णव देवताहरूको लागि शुभ मानिन्छ। अहिलेघरि सफाई कार्य भइरहेको छ। श्रीरङ्गम मन्दिर १०८ दिव्य देशम वैष्णव मन्दिरहरूमध्ये सबैभन्दा प्रमुख हो।

विश्वप्रसिद्ध श्रीरङ्गम श्रीरङ्गनाथस्वामी मन्दिर परिसर लगभग १५० एकड़ क्षेत्रफलमा फैलिएको छ। यस विशाल मन्दिर परिसरमा विराजमान भगवान विष्णुलाई श्रीरङ्गनाथस्वामीको रूपमा पूजिन्छ। कावेरी र यसको सहायक नदी कोल्लिदमको द्वीपमा अवस्थित श्रीरङ्गमको रङ्गनाथस्वामी मन्दिर विश्वको सबैभन्दा विशाल संचालित मन्दिर क्षेत्र हो। हिन्दु ग्रन्थ एवं पुराणहरूमा यो क्षेत्र सृष्टिको आरम्भदेखि नै अस्तित्वमा रहेको उल्लेख पाइन्छ।

यो मन्दिर चारै दिशामा सात परतमा पर्खालहरूले घेरिएको छ। यी पर्खालहरूको कुल लम्बाई लगभग १० किलोमीटर छ। सम्पूर्ण परिसरमा मुख्य मन्दिर बाहेक अन्य ५० मन्दिरहरू छन्। यस परिसरमा १७ विशाल गोपुरम समेत कुल २१ गोपुरम छन्। परिसरमा कुल ३९ मण्डप र नौ सरोवर छन्। मन्दिरको मुख्य मण्डप अयिरम काल हो। यस विशाल मण्डपमा १००० स्तम्भ छन्।

-हिस