हाथरसः उत्तर प्रदेशको हाथरस जिल्लामा शुक्रवार अबेर राति सड़क दुर्घटनामा परेर तीन श्रद्धालुओ घटनास्थलमै मृत्यु भयो। दुईजना श्रद्धालुको अस्पतालमा उपचारको क्रममा मृत्यु भयो। दुर्घटना सादाबाद जलेसर रोडमा भएको हो। यहॉं जलेसरबाट आइरहेको ट्र्याक्टर ट्रलीको डम्परसॅंग टक्कर भयो। ट्र्याक्टर ट्रलीका मानिसहरू गोवर्धन परिक्रमाको निम्ति गइरहेका थिए।

दुर्घटनापछि निकै होहल्ला मचियो र स्थानीय ग्रामीणहरू घटनास्थलमा आइपुगे। यसपछि पुलिसले सबै घाइतेहरूलाई सादाबाद सामुदायिक स्वास्थ्य केन्द्र पठाए। त्यहॉंबाट घाइतेहरूलाई आगरा अनि हाथरस पठाइयो। पुलिस अनुसार, ट्र्याक्टर ट्रलीमा यात्रा गरिरहेका यात्रीहरू जलेसरबाट गोवर्धनको निम्ति गइरहेका थिए। यसमा जलेसरको गढिया सकरौली, फिरोजाबादको नारखी क्षेत्रमा मानिसहरू थिए।

दुर्घटनामा ज्यान गुमानेहरूमा कासगंजको अमापुरस्थित मगकास गाउॅंका विक्रम, जलेसरको गढ़िया सकरौलीकी माधुरी, फिरोजाबादको वजीरपुरकी हेमलता (१२), गढ़िया सकरौलीका लखमी (१८) र गढ़िया सकरौलीका अभिषेक सामेल छन्। आगरा पठाइएका घाइतेहरूमा बाबूराम (५०) कृष्ण कुमार (३५), अभिषेक (२०), पुष्पा (४०), अंकित (१६) र बृजेश (१६) आदि सामेल छन्।