कप्तान श्रेयस समक्ष जीतको लय हासिल गर्ने चुनौती

नयाँ दिल्ली: भारत र जिम्बाब्वेबीच ३ वटा टी२० अन्तर्राष्ट्रिय म्याचको सीरीज २३ जुलाईदेखि हरारे स्पोर्टस क्लबमा शुरु हुन गइरहेको छ। श्रेयक अय्यरको कप्तानीमा युवा भारतीय टोली जिम्बाब्वे यात्रामा गएको छ, जहाँ युवा खेलाड़ीहरूसँग आफ्नो क्षमता साबित गर्ने मौका रहनेछ। यसबाहेक कप्तानको रूपमा पनि श्रेयससँग जीतको लय हासिल गर्ने मौका रहनेछ। सूर्यकुमार यादवपछि भारतीय टोलीको जिम्मेवारी लिने कप्तान श्रेयसको निम्ति आयरल्याण्ड र ईंग्ल्याण्डविरुद्ध सीरीज चरम हताशाजनक रह्यो। उनले कप्तानको रूपमा अहिलेसम्म ७ वटा म्याच खेलेर एउटा पनि जित्न सकेका छैनन्। यसैकारण जिम्बाब्वेमा श्रेयससँग कप्तानको रूपमा आफ्नो रेकर्डमा सुधार गर्ने मौका हुनेछ। यसरी सिकन्दर रजाको कप्तानीमा रहने जिम्बाब्वेले घरेलु परिस्थितिहरूको फाइदा उठाउँदै भारतलाई कड़ा चुनौती दिने प्रयास गर्नेछ। जिम्बाब्वे यात्राको निम्ति भारतीय क्रिकेट कण्ट्रोल बोर्ड (बीसीसीआई)-ले युवा खेलाड़ीहरूले सजिएको टोली चयन गरेको छ। यो सीरीज भविष्यको टी२० टोली तयार गर्ने दृष्टिकोणले महत्त्वपूर्ण हुनेछ। सीरीज शुरु हुन अघि भारतीय टोलीमा एउटा महत्त्वपूर्ण बद्लाउ गरिएको छ। ह्यामस्ट्रिंगको चोटले गर्दा स्टार स्पिनर वरुण चक्रवर्ती पूरा सीरीजबाट बाहिर भएको छन्। उनको स्थानमा लेग स्पिनर रवि बिश्नोईलाई टोलीमा स्थान दिइएको छ। यसरी विकेटकीपर ब्याटर सञ्जु सेमसन यस यात्राको हिस्सा हुनेछैनन्। उनलाई आराम दिइएको हो या चयन नगरिएको हो भन्ने चाहिँ बीसीसीआईले अहिलेसम्म स्पष्ट गरेको छैन। यसबाहेक आयरल्याण्ड र ईंग्ल्याण्डविरुद्ध सीरीजको हिस्सा रहने अक्षर पटेल, अर्शदीप सिंह, प्रसिद्ध कृष्णा, हर्षित राणा र वाशिंगटन सुन्दर पनि जिम्बाब्वे जाने टोलीमा छैनन्। टीम इण्डियामा धेरै नयाँ अनुहारहरूलाई मौका प्राप्त भएको छ। यसमा वैभव सूर्यवंशी, प्रभसिमरन सिंह, यश ठाकुर, आशिष शर्मा, हर्ष दुबे र प्रिन्स यादव जस्ता खेलाड़़ीहरूलाई पहिलोपल्ट ठूलो जिम्मेवारी निर्वाह गरिरहेको देखिनेछ। यसरी मयंक यादव र रिंकू सिंह पनि टोलीमा फर्किएका छन्। टी२० सीरीजको पहिलो म्याच २३ जुलाईमा हुनेछ। यसरी अन्तिम २ वटा म्याच क्रमशः २५ र २६ जुलाईमा खेलिनेछ। सबै म्याच हरारे स्पोर्टस क्लबमा खेलिनेछ। सबै म्याच दिउँसो ४ः३० बजीदेखि शुरु हुनेछ। भारतमा म्याचहरूको सीधा प्रसारण जी-को युनाइट८ स्पोर्टस नेटवर्कमा गरिनेछ। यसरी म्याचहरूका लाइभ स्ट्रीमिंग फ्यानकोड ऐप र वेबसाइटमा उपलब्ध हुनेछ।
जिम्बाब्वेविरुद्ध टी२० सीरीजको निम्ति भारतीय टोली यसप्रकार रहेको छः श्रेयस अय्यर (कप्तान), तिलक वर्मा (उपकप्तान), ईशान किशन (विकेटकीपर), प्रभसिमरन सिंह (विकेटकीपर), शिवम दुबे, रिंकू सिंह, सूर्यांश शेगडे, हर्ष दुबे, प्रिन्स यादव, यश ठाकुर, आशिष शर्मा, मयंक यादव, रवि बिश्नोई।