दुबई: आईसीसीको ताजा टेस्ट ऱ्याङकिंगमा अष्ट्रेलियाका देब्रे हातका पेस बलर मिचेल स्टार्क आफ्नो करियरमा पहिलोपल्ट नम्बर एक टेस्ट बलर बनेका छन्। बंग्लादेशविरुद्ध टेस्ट सीरीजमा प्रभावशाली प्रदर्शन गर्ने स्टार्कले भारतका जसप्रीत बुमराहलाई शीर्ष स्थानबाट हटाएका छन्। यसरी भारतीय विकेटकीपर ब्याटर रिषभ पन्तले ६ स्थानको सुधार गरी ब्याटरहरूका ऱ्याङकिंगमा संयुक्त रूपले सातौं स्थान हासिल गरेका छन्। स्टार्कको निम्ति यो उपलब्धि खास रह्यो कारण यस ३६ वर्षीय पेस बलरले आफ्नो १५ सालको टेस्ट करियरमा पहिलोपल्ट आईसीसी टेस्ट बलरहरूका ऱ्याङकिंगमा शीर्ष स्थान हासिल गरेका छन्। बंग्लादेशविरुद्ध म्याकेमा खेलिएको दोस्रो टेस्ट म्याचमा स्टार्कले १० विकेट लिएका थिए। त्यस प्रदर्शनको साथ स्टार्कले बुमराह र न्यूजील्याण्डका म्याट हेनरीलाई पछि छोड़ेका छन्। स्टार्क लामो समयदेखि विश्वका शीर्ष पेस बलरहरूमा सामेल रहेका छन्। गत वर्ष एशेज सीरीजमा असाधारण प्रदर्शनको साथ उनी तेस्रो स्थानमा पुगेका थिए तर यसपाली उनी नम्बर एक टेस्ट बलर बनेका छन्। जसप्रीत बुमराहले फरवरी २०२४-मा पहिलोपल्ट टेस्ट बलरहरूका ऱ्याङकिंगमा शीर्ष स्थान हासिल गरेका थिए। त्यसपछि लगभग अढ़ाई सालसम्म उनले शीर्ष स्थान अनि वरिपरि आफ्नो वर्चस्व कायम राखेका थिए। उनी यस अवधिमा शीर्ष २-मा लगातार कायम रहेका थिए। बुमराहले फरवरी २०२४ पछि लगभग ६९७ दिन नम्बर एक बलरको रूपमा बिताए। यसपाली श्रीलंकाविरुद्ध टेस्ट सीरीजमा बुमराहले हिस्सा लिएका छैनन्। यसैकारण उनलाई नोक्सान भएको छ। बुमराह अहिले दोस्रो स्थानमा रहेका छन् जबकि हेनरी एक स्थान झरेर तेस्रो स्थानमा पुगेका छन्। अष्ट्रेलियाका अन्य बलरहरूमा पनि ऱ्याङकिंगमा बढ़त हासिल गरेका छन्। कप्तान प्याट कमिन्सले बंग्लादेशविरुद्ध सीरीजमा ६ विकेट लिएर एक स्थानको सुधार गरी चौथो स्थान हासिल गरेका छन्। यसरी अनुभवी स्पिनर न्याथन लियोन पनि दशौं स्थानमा पुगेका छन्। यसरी टेस्ट बलरहरूका ऱ्याङकिंगमा शीर्ष १०-मा अष्ट्रेलियाका तीनजना क्रिकेटर सामेल छन्।
भारतीय टोलीको निम्ति ब्याटरहरूका ऱ्याङकिंगमा सबैभन्दा अधिक फाइदा रिषभ पन्तलाई भएको छ। गाल टेस्टको पहिलो ईनिंग्समा आक्रामक अर्द्धशतक बनाउने पन्तस ६ स्थानको सुधार गरी संयुक्त रूपले सातौं स्थानमा पुगेका छन्। उनीसँग अष्ट्रेलियाका मार्नस लाबुशेन संयुक्त रूपले सातौं स्थानमा छन्। पन्तको यस उत्थानले ब्याटिंग ऱ्याङकिंगको शीर्ष १०-मा भारतको स्थिति अझ मजबूत भएको छ। अनुभवी केएल राहुलले पनि आफ्नो ऱ्याङकिंगमा ५ स्थानको सुधार गरी ३०औं स्थान हासिल गरेका छन्। ईंग्ल्याण्डका ह्यारी ब्रूक टेस्ट ब्याटरहरूका ऱ्याङकिंगमा शीर्ष स्थानमा कायम छन्। यसरी दोस्रो स्थानमा ईंग्ल्याण्डका वर्तमान टेस्ट कप्तान जो रुट रहेका छन्। अष्ट्रेलियाका स्टीव स्मिथ र ट्रेविस हेड क्रमशः तेस्रो र चौथो स्थानमा छन्। पाकिस्तानविरुद्ध हेडिंग्ले टेस्टमा ईंग्ल्याण्डका ओली रबिन्सन र जोश टंगले मिलेर १६ विकेट लिएका थिए। यसले यी दुवैलाई फाइदा भएको छ। रबिन्सन १५ स्थान अघि बढ़ेर ११औं अनि टंग १६ स्थान अघि बढ़ेर १७औं स्थानमा पुगेका छन्। टेस्ट अलराउण्डरहरूका ऱ्याङकिंगको शीर्ष स्थानमा कुनै बद्लाउ भएको छैन। भारतका अनुभवी रवीन्द्र जडेजा शीर्ष स्थानमा कायम छन्।