पुलिसद्वारा प्राथमिकी दर्ता

काेलकाता: पश्चिम बंगालको सन्देशखालीमा राशन वितरण भ्रष्टाचारको क्रममा छापा मार्न पुगेका ईडी अधिकारीहरूमाथि तृणमूल कांग्रेसका कार्यकर्ताहरूले हमला गरेको थियो। यसमा ईडी अधिकारी रामकुमाररामको टाउको फुटेको छ।

अब पश्चिम बंगाल पुलिसले उनीहरू विरूद्ध एउटा प्राथमिकी दर्ता गरेको छ।

उत्तर २४ परगना जिल्ला पुलिसले दर्ता गरेको प्राथमिकीमा रामकुमार रामको सम्पत्ति आयभन्दा धेरै रहेको दाबी गरिएको छ। पुलिसले प्राथमिकी ईडीको भिजिलेन्स अधिकारीलाई पठाएको छ ताकि यस मामिलामा जॉंच हुन सकोस्। अर्कोतिर, मानिसहरूले कानुनलाई हातमा लिएको र पीड़ित विरूद्ध नै प्राथमिकी दर्ता गरिएको विषयलाई लिएर पुलिसको भुमिकामाथि प्रश्न उठाइरहेका छन्।

पश्चिम बंगालमा विपक्षका नेता शुभेन्दु अधिकारीले केन्द्रिय गृहमन्त्री अमित शाहसॅंग मामिलाको एनआईएद्वारा जॉंच गराउनु पर्ने आग्रह गरेका थिए। पश्चिम बंगाल पुलिसका एक अधिकारीले भने, हाम्रो जॉंचमा ईडीका सहायक निदेशक राजकुमार राम विरूद्ध सीबीआई जॉंच चलिरहेको थाहा लागेको छ। उनी त्यस दिन घाइते भएका तीन अधिकारीहरू मध्ये एक हुन्।

उनले सम्बन्धित अधिकारी विरूद्ध २०१६ देखि २०२० बीच आयभन्दा धेरै सम्पत्तिको आरोप लागेको पनि दाबी गरे। उनले यस्ता आरोपित व्यक्तिलाई केन्द्रिय जॉंच टीममा कसरी सामेल गरियो, यसलाई पनि हेर विचार गर्नुपर्ने बताए।