२४ जुलाईः अप्पर सीडर्स फूटबल क्लबको तत्त्वावधानमा आयोजित खुल्ला नक्आउट फूटबल टुर्नामेण्टमा आइतवार दुईवटा म्याच खेलियो। अप्पर सीडर्स खेल मैदानमा भएको पहिलो म्याचमा पाण्डाम जूनियरले बिजनबारीलाई ३-२-ले पराजित गऱ्यो। विजेता टीमबाट क्रिस गुरुङले ह्याट्रिक गरे। यसरी बिजनबारीको टीमबाट सुमिरन राईले २ गोल गरे। यसरी दोस्रो म्याचमा सिंहमारी लायन्स क्लबले महाकाली चटेंग दार्जीलिङलाई ३-०-ले पराजित गऱ्यो। विजेता टीमबाट ग्रेगोरी छेत्रीले २ अनि पुष्कर प्रधानले १ गोल गरे। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ३५ हजार रुपियाँको नगद पुरस्कार प्रदान गरिनेछ।