कोलकाता: देशका १९ महानगरहरू मध्ये कोलकाता गत वर्ष सबैभन्दा कम दुष्कर्मका घटना भएको शहर बनेको छl राष्ट्रिय अपराध रेकर्ड ब्यूरो (एनसीआरबी) को पछिल्लो रिपोर्टअनुसार कोलकातामा सबैभन्दा कम दुष्कर्मको मामला रहेको छ। प्रतिवेदनका अनुसार २०२१ मा कोलकातामा ११ बलात्कारका घटनाहरू भएका थिए भने दिल्लीमा देशमा सबैभन्दा बढी १,२२६ बलात्कारका घटनाहरू थिए। जयपुरमा ५०२ बलात्कारका मुद्दा दर्ता भएका छन् भने मुम्बईमा ३६४ बलात्कारका घटना दर्ता भएका छन्। कोलकातासँगै जहाँबाट कम बलात्कारका घटनाहरू रिपोर्ट भएका छन्, त्यसमा तमिलनाडुको कोइम्बटूरको नाम समावेश छ, जहाँ केवल १२ बलात्कारका घटनाहरू रिपोर्ट गरिएका थिए, पटनामा यस्ता घटनाहरूको संख्या ३० थियो। प्रतिवेदनअनुसार मध्य प्रदेशको इन्दौरमा १६५, बेंगलुरुमा ११७, हैदरावादमा ११६ र नागपुरमा ११५ बलात्कारका घटनाहरू सार्वजनिक भएका छन्।

बलात्कार प्रयासको मुद्दा दर्ता नभएका शहरहरूमा कोलकाताको नाम पनि परेको छ। सन् २०१९ मा १४ र २०२० मा ११ बलात्कारका घटना भएका थिए। गत वर्ष राजस्थानमा सबैभन्दा बढी ६,३३७ बलात्कारका घटनाहरू दर्ता भएका थिए भने नागाल्याण्डमा सबैभन्दा कम चार घटनाहरू रेकर्ड गरिएका थिए। पश्चिम बङ्गालमा एक हजार १२३ बलात्कारका मुद्दा दर्ता भएका छन्। गत वर्ष भारतमा कुल ३१ हजार ६७७ बलात्कारका घटना दर्ता भएका थिए।