नयाँ दिल्ली: अष्ट्रेलियाको क्रिकेट टोली लगभग ८ सालपछि पहिलोपल्ट टेस्ट सीरीजमा हिस्सा लिन दक्षिण अफ्रिका यात्रामा गइरहेको छ। यस यात्रा अघि पूर्व कप्तान स्टीव स्मिथले २०१८-को त्यस मुश्किल यात्रालाई याद गरेका छन्, जब केपटाउन टेस्टमा बल टेम्परिंग (बलको स्थिति या आकार बदलिने प्रयास) विवादले अष्ट्रेलियाई क्रिकेटलाई बदनाम गरेको थियो। स्मिथले बताएअनुसार, त्यस घटनालाई सम्पूर्ण रूपले भुल्न सजिलो छैन। उल्लेखनीय छ, मार्च २०१८-मा केपटाउनमा दक्षिण अफ्रिका र अष्ट्रेलियाबीच टेस्ट म्याचको अवधि क्रिकेट बललाई बिगार्न स्याण्डपेपर प्रयोग गरिएको मामिला अघि आएको थियो। स्मिथले त्यस योजनामा सामेल भएको कुरा स्वीकार गरेका थिए। त्यसपछि उनलाई अष्ट्रेलियाई टोलीको कप्तानीबाट हटाएर स्वदेश बोलाइएको थियो। क्रिकेट अष्ट्रेलियाले पछिबाट स्मिथ र डेविड वार्नरमाथि एक सालको क्रिकेट प्रतिबन्ध लगाएको थियो जबककि क्यामरन बेनक्रफ्टलाई ९ महिनाको निम्ति निलम्बित गरिएको थियो। अष्ट्रेलिया र दक्षिण अफ्रिकाबीच ३ वटा टेस्ट म्याचको सीरीजअन्तर्गत पहिलो टेस्ट ९ अक्टोबरदेखि डरबनमा शुरु हुनेछ। सीरीजको निम्ति स्मिथ फेरि दक्षिण अफ्रिका जाने तयारी गरिरहेका छन्। उनले एउटा साक्षात्कारमा त्यस यात्राको यादहरू साझा गरेका छन्। स्मिथले भने, निलम्बनसँग सम्बन्धित घटनाहरूलाई भुल्नु मुश्किल छ। दक्षिण अफ्रिकाबाट फर्किएपछि मीडियामा यो कुरा चर्चाको विषय बन्यो। मलाई क्यामेरा अघि आउनु त्यति मन पर्दैन। क्यामेराको फ्ल्याशले त्यस मुश्किल समयको अनुभवलाई याद दिलाउँछ। निलम्बनको घोषणापछि २४-४८ घण्टा अनि जोहानिसबर्ग एयरपोर्टबाट निस्किएको अनुभव धेरै कठिन थियो। भीड़बाट निस्किएर फ्लाइटमा फर्किनु अनि अष्ट्रेलियामा प्रेस कन्फ्रेन्स गर्नु आज पनि याद आउँछ। त्यो कठिन समय थियो। त्यस घटनाको निक्कै साल बितिसकेको छ। म त्यस चरणबाट धेरै कुरा सिकेर अघि बढ़िसकेको छु। विवादको शुरुवाती दिनहरू सबैभन्दा मुश्किल थियो। मेरो मानसिक स्थिति ठीक थिएन अनि फेरि त्यस स्थितिमा जान चाहदिनँ। त्यो अनुभव मेरो निम्ति निक्कै महत्त्वपूर्ण रह्यो अनि मैले धेरै कुरा सिके। अब म जीवनमा अघि बढ़िसकेको छु अनि आउँदो दक्षिण अफ्रिका यात्रालाई लिएर सकारात्मक छु।