नयाँ दिल्ली: खेल मन्त्रालयले पाकिस्तानसँग द्विपक्षीय खेल सम्बन्धहरूमाथि लगाइएको रोक जारी रहने बुधवार जानकारी दियो। यसरी अन्तर्राष्ट्रिय र बहुपक्षीय प्रतियोगिताहरूमा दुवै देशका खेलाड़ीहरूका भागीदारीमाथि चाहिँ कुनै प्रतिबन्ध हुनेछैन। यसको साथमा मन्त्रालयले खेलाड़ीहरू, टीम अधिकारीहरू, तक्निकी स्टाफ र अन्तर्राष्ट्रिय खेल संगठनहरूका पदाधिकारीहरूका निम्ति भीजा प्रक्रियालाई सरल बनाउने पनि दोहोऱ्यायो, जसलाई भारतलाई एउटा लोकप्रिय खेल स्थलको रूपमा स्थापित गर्न सकिनेछ। सबै राष्ट्रिय खेल महासंघहरू (एनएसएफ), भारतीय ओलम्पिक संघ (आईओए) र भारतीय खेल प्राधिकरण (साइ)-लाई जारी सर्कुलरमा मन्त्रालयले भनेको छ, द्विपक्षीय खेल प्रतियोगिताहरूको सन्दर्भमा भारतीय टोलीहरू पाकिस्तान जानेछैन अनि पाकिस्तानी टीमहरूलाई पनि भारतमा खेल्ने अनुमति दिइनेछैन। अन्तर्राष्ट्रिय र बहुपक्षीय प्रतियोगिताहरूको मामिलामा निर्णय अन्तर्राष्ट्रिय खेल संस्थाहरूको नियमहरू र भारतीय खेलाड़ीहरूका हितहरूलाई ध्यान राखेर लिइएको छ। यो नीति पहिलोपल्ट अगस्त २०२४-मा घोषित गरिएको थियो, जब यूएई-मा आयोजित एशिया कपमा भारतको भागीदारीलाई लिएर विवाद भएको थियो। त्यस समय मन्त्रालयले बहुपक्षीय प्रतियोगिताहरूमा पाकिस्तान आयोजक नभए भारतको भागीदारी जारी रहने स्पष्ट गरेको थियो।