​गान्ताेक: सिक्किम फुटबल एसोसिएसन (एसएफए) द्वारा आयोजित ‘ए’ डिभिजन एस-लिग २०२६ अन्तर्गत शनिबार भएको प्रतिस्पर्धात्मक खेलमा ब्रदरहुड एफसीले रेड पाण्डा एफसीलाई २-१ गोल अन्तरले पराजित गरेको छ।
​पाल्जोर स्टेडियममा भएको रोमान्चक खेलमा ब्रदरहुड एफसीले खेलको ११औँ मिनेटमै सैलेश प्रधानको गोलमार्फत अग्रता लिएको थियो। खेलको ५६औँ मिनेटमा रेड पाण्डा एफसीका कुञ्जमान थापाले पेनाल्टीलाई गोलमा परिणत गर्दै खेल १-१ को बराबरीमा ल्याएका थिए।
​तर, खेलको अन्तिम समयतिर अर्थात् ८६औँ मिनेटमा सोइबम रोशन सिंहले उत्कृष्ट गोल गर्दै ब्रदरहुड एफसीलाई पुनः अग्रता दिलाए। रोशनको यही निर्णायक गोलसँगै ब्रदरहुड एफसीले खेल जित्दै महत्त्वपूर्ण ३ अङ्क जोड्न सफल भएको छ।