लण्डन: ईंग्लिश प्रीमियर लीग फूटबल प्रतियोगितामा लिभरपूलले फेरि एकपल्ट निराशाजनक हारको सामना गर्नु पऱ्यो। मंगलवार राति खेलिएको म्याचमा लिभरपूललाई वूल्भ्सले २-१-ले पराजित गऱ्यो। यो लिभरपूलको गत ५ वटा म्याचमा दोस्रो अनि समग्रमा प्रीमियर लीगको जारी सीजनमा यो टीमको नवौं हार हो। यस अवे म्याचमा ६६ प्रतिशत पोजेशनको साथ खेल्दै लिभरपूल एक समय पछि रहेको थियो। रोड्रिगो गोमेसले ७८औं मिनटमा गोल गरी होम टीमलाई बढ़त दिलाए। त्यसपछि अनुभवी मोहामेद सालाहले ८३औं मिनटमा गोल गरी लिभरपूललाई १-१-को बराबरीमा पुऱ्याए। अन्तमा इञ्ज्युरी टाइमको चौथो मिनटमा एण्ड्रेले गोल गरेर वूल्भ्सलाई लगातार दोस्रो जीत दिलाए। यस हारपछि गतत सीजनको च्याम्पियन लिभरपूल २९ वटा म्याचमा ४८ पोइण्ट्सको साथ प्रीमियर लीग पोइण्ट्स टेबलको पाँचौं स्थानमा कायम रह्यो। यसरी वूल्भ्स ३० वटा म्याचमा १६ पोइण्ट्सको साथ २०औं स्थानमा रहेको छ। प्रीमियर लीगका अन्य म्याचहरूमा सण्डरल्याण्डले लीड्स युनाइटेडलाई १-०-ले अनि एभर्टनले बर्नलीलाई २-०-ले पराजित गऱ्यो। यसरी बोर्नमाउथ र ब्रेण्टफोर्डबीच खेलिएको म्याच गोलरहित ड्र (०-०) रह्यो।