​ईटानगर: बङ्गलादेशको राजधानी ढाकामा जारी ‘१०औँ क्याडेट, जुनियर, यु-२१ तथा दक्षिण एसियाली सिनियर कराँते च्याम्पियनसिप २०२६’ मा अरुणाचल प्रदेशका ख्योदा तालिकले टिम काटा स्पर्धामा स्वर्ण पदक जितेका छन्।
​नेपाल, भारत, बङ्गलादेशसहित दक्षिण एसियाली मुलुकका खेलाडीहरूको सहभागिता रहेको उक्त च्याम्पियनसिपमा उत्कृष्ट प्रदर्शन गर्दै तालिकले भारतलाई स्वर्ण पदक दिलाएका हुन्।
​तालुकको यस ऐतिहासिक सफलतापछि मुख्यमन्त्री पेमा खाण्डूले बधाई दिँदै उहाँको जितले सम्पूर्ण राज्य र देशलाई गौरवान्वित बनाएको बताएका छन्। मुख्यमन्त्री खाण्डूले सामाजिक सञ्जालमार्फत खुसी व्यक्त गर्दै लेखेका छन्, “कडा परिश्रम, अनुशासन र ठूला सपना देख्ने साहसबाट नै च्याम्पियनहरू बन्छन्। ख्योदा तालिकले अन्तर्राष्ट्रिय मञ्चमा देखाएको यो प्रदर्शनले हाम्रा खेलाडीहरू विश्वस्तरीय मञ्चका लागि सक्षम छन् भन्ने पुष्टि गरेको छ।”
​मुख्यमन्त्री खाण्डूले यो सफलता राज्य सरकारले सञ्चालन गरिरहेको ‘चीफ मिनिस्टर्स एथलीट कोचिङ एण्ड एम्पायरमेन्ट स्किम’ (सिएम-एसेस) को सकारात्मक परिणाम भएको समेत उल्लेख गरेका छन्। यस योजनाअन्तर्गत राज्यका उदीयमान खेलाडीहरूलाई उच्चस्तरीय प्रशिक्षण र प्रोत्साहन प्रदान गरिँदै आएको छ।