कोलकाताः पश्चिम बंगालकी मुख्यमन्त्री ममता ब्यनर्जीले राज्यमा एक्लै चुनाउ लड़्ने घोषणा गरेपछि कंग्रेसमाथि निरन्तर लक्षित गरिरहेकी छन्। गए शुक्रवार उनले भनेकी थिइन्, उनलाई सन्देह छ कि कंग्रेसले देशभरिमा ४० वटा सीट पनि जित्न सक्छ कि सक्दैन। यसलाई लिएर अब कंग्रेसका राष्ट्रिय महासचिव जयराम रमेशले प्रतिक्रिया व्यक्त गरेका छन्।

एक च्यानलसितको बातचितमा उनले भनेका छन्, ममता ब्यनर्जीले आफू भाजपाविरूद्ध लड़िरहेको जस्तो लाग्छ भने त्यो उनको सोंच हो। रमेशले यो कुरा कटाक्षपूर्ण शैलीमा भनेका छन्। यस अतिरिक्त उनले यो पनि भने, ममता ब्यनर्जीले अहिलेसम्म आफू इण्डी गठबन्धनदेखि छुट्टिएको कुरा घोषणा गेरकी छैनन्। यसैले उनले भनिरहेकी छन् कि उनी भाजपाविरूद्ध लड़िरहेकी छन्। हामी पनि चाहन्छौं, भाजपाविरूद्ध लड़ाईँ होस्। यसैले एकजुट भएर लड़्नु नै बुद्धिमतापूर्ण हुनेछ।

उनले भने, यो कुनै स्थानीय चुनाउ होइन, देशको चुनाउ हो। यसैले एकजुट भएर लड़्नु नै राम्रो हुनेछ। उल्लेखनीय छ, गत शुक्रवार ममता ब्यनर्जीले भनेकी थिइन्, पश्चिम बंगालमा तृणमूलले मात्र भाजपालाई हराउन सक्छ। उनले राहुल गान्धीलाई प्रवासी पंक्षीको संज्ञा दिँदै आरोप लगाएकी थिइन्, राहुल फोटो शुट गराउनका लागि बंगालमा आएका थिए।

-हिस