नयाँ दिल्ली: भारतीय क्रिकेट टोलीले सेप्टेम्बरमा अफगानिस्तानविरुद्ध ३ वटा टी२० अन्तर्राष्ट्रिय म्याचको सीरीज खेल्नेछ। भारतीय क्रिकेट कण्ट्रोल बोर्ड (बीसीसीआई) र अफगानिस्तान क्रिकेट बोर्ड (एसीबी)-ले बुधवार संयुक्त बयान जारी गरी सीरीजको घोषणा गऱ्यो। सीरीजको तीनैवटा म्याच दिल्लीको अरुण जेटली स्टेडियममा खेलिनेछ। पहिलो टी२० म्याच १३ सेप्टेम्बर, दोस्रो १५ सेप्टेम्बर र तेस्रो टी२० म्याच १७ सेप्टेम्बरमा खेलिनेछ। यसरी भारत र अफगानिस्तानबीच पूरा टी२० सीरीज ५ दिनमा पूरा हुनेछ। यस घोषणाले बंग्लादेशको भारतविरुद्ध सेप्टेम्बरमा प्रस्तावित सेतो बलको सीरीजको सम्भावनालाई चाहिँ ठूलो झट्का लागेको छ। भारत र बंग्लादेशबीच द्विपक्षीय सीरीज गत वर्ष स्थगित गरिएको थियो। बंग्लादेशमा राजनैतिक अस्थिरताले गर्दा दुई टोलीबीचको प्रस्तावित सीरीजलाई स्थगित गरिएको थियो। त्यसपछि बंग्लादेशले सेप्टेम्बरमा भारतविरुद्ध सीरीजको प्रस्ताव राखेको थियो। यसबीच आज भारत र अफगानिस्तानबीच टी२० सीरीजको घोषणा भएको छ। यसले बंग्लादेशविरुद्ध सीरीजको सम्भावना लगभग समाप्त भएको छ। बीसीसीआई अध्यक्ष मिथुन मन्हासले भने, बोर्ड अफगानिस्तानमा क्रिकेटको विकासमा समर्थन गर्न अनि उनीहरूका खेलाड़ीहरूलाई उच्च स्तरमा खेल्ने मौका दिन प्रतिबद्ध छ। द्विपक्षीय सीरीजले टोलीहरूलाई नियमित रूपले मजबूत विरोधी टोलीहरूविरुद्ध खेल्ने अनि अनुभव हासिल गर्ने मौका दिन्छ। उल्लेखनीय छ, अफगानिस्तानले आफ्नो पहिलो टेस्ट म्याच पनि भारतविरुद्ध नै २०१८-मा खेलेको थियो। भारत र अफगानिस्तानबीच क्रिकेट सम्बन्ध निक्कै मजबूत रहेको । दुई टोलीबीच जून २०२६-मा ३ वटा वनडे म्याचको सीरीज पनि खेलिएको थियो। यसरी जनवरी २०२४-मा दुई टोलीबीच ३ वटा टी२० म्याचको सीरीज पनि भएको थियो।