उत्तर २४ परगना: पश्चिम बंगालको उत्तर २४ परगनाको देगंगामा असदुज्जमां नाम गरेको एक व्यापारीको घरमा आर्कियोलजिकल सर्वे अफ् इण्डिया (एएसआई) को टीमले छापा मारेर सय करोड़भन्दा धेरैको पुरातात्विक महत्वका सामग्रीहरू जफत गरेका छन् हो। पुरातत्व विभागमा एडमिनिस्ट्रेशन जनरल एण्ड वेलफेयर ट्रस्टी विप्लव रायले एक अन्य महिला अधिकारीसँग मिलेर शुक्रवार साँझ असदुज्जमांको घरमा छापा मारेका थिए। शनिवार एएसआईद्वारा जारी बयानमा भनिएको छ, विप्लव राय र महिला अधिकारीलाई पति-पत्नी बनाएर छापामारीको योजना बनाइएको थियो। दुवैलाई चन्द्रकेतुगढमा असदुज्जमांको घरमा धेरै मात्रामा पुरातात्विक महत्वका सामानहरू रहेको थाहा लागेको थियो। दुवै असदुज्जामांको घर पुगेर आफ्नो परिचय दिल्ली निवासी बताउँदै गंगासागर आएको बताए। उनीहरूले पुरातत्वसित सम्बन्धित सामग्रीहरूको संग्रहमा रूची रहेको बताए दुवै अधिकारीले असदुज्जमांको विश्वास जितेपछि उनले दुवैलाई आफ्नो गोदाममा लिएर गए। त्यहाँ पुरातत्व सामग्रीहरू देखेर अधिकारीहरू चकित बने। योजना अनुसार तत्काल पुलिस अधीक्षकलाई सूचना दिइयो, जसपछि देगंगा थाना पुलिस त्यहाँ आए। गोदामबाट १५ हजारभन्दा धेरै मौर्य र कुषाणकालका सामग्रीहरू भेटिए।सोधपुछको क्रममा उनले यी सामग्रीहरूको तस्करी विदेशहरूमा गर्ने गरेको बताए। उनले पहिला पनि धेरै करोडको व्यापार गरिसकेको जानकारी गराए। १० देखि १५ सामग्री यस्ता छन् जसको वैध दस्तावेज असदुज्जमांसँग छ, तर अधिकांश सामग्री अवैध छन्।