इस्तानबुल: टर्कीको इस्तानबुलको भीडभाड भएको इस्तिकलाल एभिन्यूमा आइतबार एउटा ठूलो विस्फोट भएको छ। घटनामा धेरैको मृत्यु र घाइते भएको खबर छ। एक वरिष्ठ अधिकारीले यो जानकारी दिएका छन्। इस्तानबुलका गभर्नर अली येर्लिकायाले ट्वीटरमा स्थानीय समयअनुसार अपराह्न ४:२० मा विस्फोट भएको र यस घटनामा केही व्यक्तिको मृत्यु भएको र धेरै घाइते भएको बताए। यद्यपी उनले कति जनाको ज्यान गएको बताएनन्।

विस्फोटको कारण भने अझै खुल्न सकेको छैन। अनलाइन पोस्ट गरिएका भिडियोहरूले आगो निस्किरहेको र त्यसपछि ठूलो आवाजमा यात्रुहरू घुम्न र दौडिरहेको देखाइएको छ। अन्य फुटेजमा एम्बुलेन्स, दमकल र पुलिस घटनास्थलमा पुगेको देखाइएको छ। सामाजिक सञ्जालमा मानिसहरूले यस क्षेत्रका पसलहरू बन्द गरिएको बताएका छन्। प्रसारक सीएनएन टर्कले ११ जना घाइते भएको बताएको छ। एवेन्यू स्थानीय र पर्यटकहरुसँग लोकप्रिय एक व्यस्त बाटो हो। यहाँ धेरै पसल र रेस्टुरेन्टहरू छन्। सन् २०१५ र सन् २०१७ को बीचमा टर्कीमा इस्लामिक स्टेट र गैरकानूनी कुर्द समूहसँग जोडिएको श्रृंखलाबद्ध विस्फोटहरू भएको थियो। यस घटनाको भिडियो पनि सार्वजनिक भएको छ। भिडियो कुनै पर्यटकले हिँडिरहेको अवस्थामा बनाएको देखिन्छ। भिडियोमा विष्फोटका कारण टाढाको ठाउँमा आगो लागेको देखिन्छ। विस्फोट लगत्तै त्यहाँ भागदौड मच्चिएको देखियो।