नेशन्स लीगमा जर्मनी, ग्रीस र स्विट्जरल्याण्ड आ-आफ्नो म्याच जित्न सफल

IMG-20261117-WA0052

नयाँ दिल्ली: जर्मनीले उत्कृष्ट लयलाई जारी राख्दै यूएफा नेशन्स लीग फूटबल प्रतियोगितामा लगातार दोस्रो जीत हासिल गऱ्यो। यसरी ग्रीस र स्विट्जरल्याण्डले पनि आ-आफ्नो म्याचमा जीत हासिल गऱ्यो। जर्मनीले सोमवार राति खेलिएको ग्रुप ए२-को म्याचमा नीदरल्याण्ड्सविरुद्ध ५-०-ले एकतर्फी जीत हासिल गऱ्यो। घरेलु मैदान ओलम्पियास्टेडियोनमा ५२ प्रतिशत बल पोजेशनको साथ खेल्ने जर्मन टोलीले डच टोलीलाई अधिक मौका दिएन। विजेता टोलीको तर्फबाट फ्लोरियन विर्त्जले २ गोल गरे। लिभरपूलको यस स्टार स्ट्राईकरले ६०औं र ७१औं मिनटमा गोल गरे। यसबाहेक डेरी श्चेरहाण्टले ४१औं, निको श्लोटलबेकले ६५औं र ब्राजान ग्रुदाले ७७औं मिनटमा गोल गरे। नीदरल्याण्ड्सले म्याचमा केही मौकाहरू बनाए पनि त्यसलाई काममा लगाउन सकेन। ग्रुप ए२-मा जर्मनी र नीदरल्याण्ड्ससँग ६-६ वटा म्याचपछि ११-११ अंक रहेको छ। अंक बराबर रहे पनि गोल अन्तरको आधारमा जर्मनी पहिलो अनि नीदरल्याण्ड्स दोस्रो स्थानमा रहेको छ। यस ग्रुपको अन्य एउटा म्याचमा ग्रीसले सर्बियालाई १-०-ले पराजित गऱ्यो। आफ्नो घरेलु मैदानमा ५६ प्रतिशत बल पोजेशनको साथ खेल्ने ग्रीसबाट म्याचको एकमात्र गोल जियोरगस मसौरासले ६९औं मिनटमा गरे। यस जीतपछि ग्रीस ११ अंकको साथ गोल अन्तरको आधारमा तेस्रो स्थानमा रहन पुग्यो। सर्बियाले अहिलेसम्म अंकको खाता खोलेको छैन। यसबी स्विट्जरल्याण्डले ग्रुप बी१-को म्याचमा स्कटल्याण्डविरु्ृद्ध ४-०-ले जीत हासिल गऱ्यो। घरेलु मैदानमा ५३ प्रतिशत बल पोजेशनको साथ खेल्ने स्विस् टोलीबाट विन्स्ले बोतेलीले ४७औं, एल्विन साञ्चेसले ५१औं र जेकी एमडोउमीले ८९औं मिनटमा गोल गरे। अन्य एउटा गोल आत्मघाती (लेविस फर्ग्यूसन, २२औं मिनट) रह्यो। ग्रुप बी१-मा स्विट्जरल्याण्ड ६ वटा म्याचमा १६ अंकको साथ शीर्ष स्थानमा रहेको छ। यस ग्रुपको अन्य एउटा म्याचमा स्लोवेनियाले नर्थ मेसिडोनियालाई ३-०-ले पराजित गऱ्यो। विजेता टोलीको निम्ति डेनिजेल स्टर्मले २ गोल गरे। ग्रुपमा दोस्रो स्थानमा रहने स्लोवेनियासँग ११ अंक रहेको छ। ग्रुप सी४-मा एस्टोनियाले बुल्गेरियालाई २-१-ले पराजित गऱ्यो। यसरी आइसल्याण्डले लग्जमबर्गविरुद्ध ३-०-ले जीत हासिल गऱ्यो। ग्रुप सी४-मा आइसल्याण्ड १४ अंकको साथ पहिलो अनि एस्टोनिया १२ अंकको साथ दोस्रो स्थानमा रहेको छ। ग्रुप सी३-मा कजाखस्तान र स्लोवाकियाबीच खेलिएको म्याच २-२-ले ड्र रह्यो। यसरी फेरो आइल्याण्ड्सले मोल्डोवालाई १-०-ले पराजित गऱ्यो। ग्रुप सी३-मा स्लोवाकिया १२ अंकको साथ पहिलो स्थानमा रहेको छ।

About Author

Advertisement