नयाँ दिल्ली: प्रधानमन्त्री नरेन्द्र मोदीले ग्लास्गोमा जारी २०२६ राष्ट्रमण्डल खेलहरूमा पुरुषहरूका हेभिवेट प्यारा पावरलिफ्टिंग स्पर्धामा ऐतिहासिक काँस्य पदक जित्ने झण्डू कुमारलाई बधाई दिएका छन्। झण्डू कुमारको यस पदकको साथै भारतको राष्ट्रमण्डल खेलहरू २०२६-मा पदकको खाता पनि खोलियो। प्रधानमन्त्री मोदीले सोशल मीडियामा जारी आफ्नो बयानमा झण्डू कुमारको उपलब्धिको सराहना गरेका छन्। उनले लेखेका छन्, राष्ट्रमण्डल खेलहरूको प्यारा पावरलिफ्टिंगमा ऐतिहासिक काँस्य पदक जितेकोमा झण्डू कुमारलाई बधाई। उनको उपलब्धि अपार शक्ति, अटूट संकल्प र सालौंको अनुशासित मेहनतको सशक्त प्रतीक हो। हरेक चुनौतीलाई पार गरी अन्तर्राष्ट्रिय मञ्चमा असाधारण प्रदर्शन गर्दै उनले पूरा देशलाई गौरवान्वित र अनगन्ती भारतीयहरूलाई प्रेरित गरेका छन्। यसरी भारतीय पावरलिफ्टर झण्डू कुमारका प्रशिक्षक राजिन्दर सिंह रहलूले बताएअनुसार, टीमको लक्ष्य काँस्य नभएर स्वर्ण पदक जित्ने रहेको थियो। राष्ट्रमण्डल खेलहरू २०२६-मा गणनामा हल्की गल्ती र आपसी संवादको कमी (मिसकम्यूनिकेशन)-ले गर्दा झण्डू शीर्ष स्थान हासिल गर्नदेखि चुके। पुरुषहरूका हेभिवेट वर्गमा झण्डूले आफ्नो दोस्रो प्रयासमा १९० किग्रा ओजन उठाएर काँस्य पदक जिते। रहलूले भने, स्वर्ण पदक जित्न कति ओजन उठाउनु पर्छ भन्ने हामीलाई पहिला नै थाहा थियो। हामीले पूरा गणना गरेका थियौं अनि हाम्रो लक्ष्य स्वर्ण पदक थियो तर कुनै कारणवश त्यसलाई हासिल गर्न सकेनौं। स्वर्ण पदकको लड़ाइँ कठिन थियो तर त्यो असली कारण होइन। यो केवल मिसकम्यूनिकेशनले गर्दा भयो। म खेलाड़ीदेखि सामान्य टाढ़ा थिएँ अनि ओजनको गणनामा सामान्य समस्या भयो। हामी केवल २ अंकले गर्दा स्वर्ण पदक जित्नदेखि चुक्यौं। प्यारा पावरलिफ्टिंगमा मामूली अन्तरले पनि नतीजा बदलिन सक्छ। दुई अंकको अर्थ लगभग २-३ किलोग्रामको अन्तर हुन्छ। यस्तो नजिकको लड़ाइँमा शरीरको क्षमता र सही रणनीति महत्त्वपूर्म हुन्छ। हाम्रो गणनामा सामान्य गल्ती भयो। उल्लेखनीय छ, झण्डू कुमारले १९० किग्राको आफ्नो सर्वश्रेष्ठ सफल भार उठाएर १३०.९ अंक हासिल गरे अनि काँस्य पदक जिते।