लण्डन: फिफा विश्व कप २०२६-को सेमिफाइनलमा ईंग्ल्याण्डलाई पराजित गरेपछि फकल्याण्ड (माल्विनास) द्वीपसँग सम्बन्धित ब्यानर देखाउने अर्जेण्टिनाको खेलाड़ीहरूका मुश्किल बढ़ेको छ। ब्रिटेनमा अहिले प्रीमियर लीगमा खेल्ने अर्जेण्टिनाका ३ जना खेलाड़ीहरूका वर्क भीजा रद्द गर्ने माग उठ्न थालेको छ। यसबीच कानूनी विशेषज्ञहरूले चाहिँ यो काम सजिलो नहुने बताएका छन्। अर्जेण्टिनाको विश्व कप खेल्ने टीमका ३ जना खेलाड़ी प्रीमियर लीगमा खेल्छन्। यसमा म्यानचेष्टर युनाइटेडका डिफेण्डर लिसान्द्रो मार्टिनेज, चेल्सीका मीडफिल्डर एञ्जो फर्नाण्डेज र टोटनह्याम हट्स्परका डिफेण्डर क्रिस्टियन रोमेरो सामेल छन्। ईंग्ल्याण्डविरुद्ध सेमिफाइनल म्याच जितेपछि यी खेलाड़ीहरूलाई ‘माल्विनास/फकल्याण्ड द्वीप अर्जेण्टिनाको हो’ भन्ने लेखिएको ब्यानरको साथ देखिएको थियो। त्यसपछि घटनालाई लिएर ब्रिटेनमा तीखो प्रतिक्रिया देखिएको छ। ब्रिटेनका पूर्व प्रधानमन्त्री मार्गरेट थेचरकी पूर्व सहयोगी नाइल गार्डिनरले यी खेलाड़ीहरू विरुद्ध कठोर कार्वाहीको माग गरेका छन्। उनले भनेका छन्, ईंग्लिश प्रीमियर लीगमा खेल्ने अर्जेण्टिनाका प्रत्येक खेलाड़ी (जसले ब्रिटेन विरोधी प्रदर्शनमा हिस्सा लिएका थिए)-को वर्क भीजा रद्द गर्नु पर्नेछ। यस्तो मामिलामा नरम मिजास देखाउनु हुँदैन। यसरी सोशल मीडियामा पनि धेरै ब्रिटिश प्रशंसकहरूले खेलाड़ीहरूसँग माफी माग्रे अनि भीजा रद्द गर्ने माग गरेका छन्। एकजना प्रशंसकले लेखेका छन्, त्यस ब्यानरबारे जानकारी हुँदा-हुँदै पनि मैदानमा देखाउने प्रत्येक अर्जेण्टिनाई खेलाड़ीको भीजा उनीहरूले सार्वजनिक रूपले माफी नमागेसम्म रद्द गर्नु पर्नेछ। उल्लेखनीय छ, फकल्याण्ड ब्यानर विवादमा फिफाले पनि औपचारिक जाँच शुरु गरेको छ। ब्रिटेनका धेरै नेताहरूले राजनीतिलाई खेलमा ल्याएको आरोप लगाउँदै कार्वाहीको माग गरेका छन्। यसबीच ब्रिटेनका एकजना आव्रजन (इमिग्रेशन) विशेषज्ञको भनाइअनुसार, केवल विश्व कपको अवधि ब्यानर देखाएको आरोपमा खेलाड़ीको वर्क भीजा रद्द गर्नु कानूनी रूपले निक्कै मुश्किल हुनेछ। यसैकारण मार्टिनेज, फर्नाण्डेज र रोमेरोको भीजामाथि अहिले तत्काल कुनै खतरा छैन।