​सोरेङ: सोरेङ जिल्ला प्रशासनिक केन्द्र (डीएसी) मा सञ्चालित मतदाता नामावलीको विशेष सघन परिमार्जन (एसआईआर २०२६) अन्तर्गत दाबी, विरोध र अन्य मामिलाहरूको सुनुवाइ शुक्रबार दोस्रो दिन पनि जारी रह्यो।
​जिल्लाका चारवटै निर्वाचन क्षेत्रहरूमा निर्वाचन दर्ता अधिकारी (ईआरओ) र अतिरिक्त निर्वाचन दर्ता अधिकारी (एईआरओ) हरूले यस प्रक्रियालाई अगाडि बढाइरहेका छन्। सोरेङका जिल्ला निर्वाचन अधिकारी (डीईओ) तथा जिल्लाधीश धीरज सुवेदीले यस सम्पूर्ण प्रक्रियाको प्रत्यक्ष अनुगमन गरिरहेका छन्।
​शुक्रबार चारवटै निर्वाचन क्षेत्रमा गरी कुल २२० वटा मामिलाहरूको फर्स्योट गरियो, जसअनुसार रिन्चेनपोङमा ३१, दरमदिनमा ४९, सोरेङ-चाकुङमा ५४ र साल्घारी-जुम निर्वाचन क्षेत्रमा ८६ वटा मामिलाको सुनुवाइ भएको छ। जुलाई १६ र १७ गरी दुई दिनमा हालसम्म कुल ३७१ वटा दाबी-विरोधको फर्स्योट भइसकेको प्रशासनले जनाएको छ।
​जिल्ला प्रशासनले सम्बन्धित सबै मतदाताहरूलाई तोकिएको समयमै सुनुवाइमा उपस्थित भई यस विशेष परिमार्जन कार्यलाई सफल बनाउन पूर्ण सहयोग गर्न अपिल गरेको छ।