नयाँ दिल्ली: फिफा वर्ल्ड कप २०२६-को फाइनल केवल फूटबल खेल मात्र नभएर संगीत जगतको निम्ति पनि ऐतिहासिक बन्नेछ। पहिलोपल्ट वर्ल्ड कप फाइनलमा हाफटाइम शो-को आयोजन गरिनेछ, जसमा वैश्विक पप स्टार जस्टिन बीबरको साथमा मेडोना, शकीरा र बीटीएस-ले यस ऐतिहासिक मञ्चमा प्रस्तुति दिनेछन्। यो कार्यक्रम १९ जुलाईमा न्यूयोर्क-न्यूजर्सी स्टेडियममा हुने वर्ल्ड कप फाइनलको अवधि आयोजन हुनेछ। फिफा र ग्लोबल सिटिजनले आधिकारिक रूपमा बीबर यस ऐतिहासिक हाफटाइम शो-को हिस्सा हुने घोषणा गरेको छ। कार्यक्रममा नाइजेरियाई स्टार बर्ना बोय, भेनेजुएलाको ख्यातिप्राप्त अर्केस्ट्रा कण्डक्टर गुस्तावो डुडामेल, पीएस२२ कोरस र कोल्डप्लेले पनि आफ्नो प्रस्तुति दिनेछ। पूरा शो-लाई कोल्डप्लेका फ्रण्टम्यान क्रिस मार्टिनले क्यूरेट गरेका छन्। यस हाफटाइम शो-को उद्देश्य फिफा ग्लोबल सिटिजन एजुकेश फण्डको निम्ति १० करोड़ अमेरिकी डलर संग्रह गर्नु हो। यस फण्डलाई विश्वभरिका नानीहरूलाई असल शिक्षा र फूटबलमा सामेल हुने अवसर उपलब्ध गराउन बनाइएको हो। अहिलेसम्म यस फण्डको निम्ति ५ करोड़ डलरभन्दा अधिक राशि संग्रह गरिएको छ। यसको साथमा वर्ल्ड कपको हरेक टिकटको बिक्रीबाट १ अमेरिकी डलर यस फण्डमा दान गरिनेछ। यस ऐतिहासिक शो-मा नानीहरूका लोकप्रिय कार्यक्रम सीसेम स्ट्रीट र द मपेट्स-का कलाकारहरू पनि देखिनेछन्। फिफा वर्ल्ड कप २०२६-को अवधि ‘युनाइट फर एजुकेशन’ अभियान पनि चलाइँदैछ। शिक्षा र सामाजिक विकाससँग जोड़िएको अभियानहरू प्रति मानिसहरूमा जागरूकता बढ़ाउन नक्आउट राउण्डमा खेलाड़ीहरूले विशेष ‘युनाइट फर एजुकेशन’ स्लीभ प्याच लगाउनेछन्।