नयाँ दिल्ली: फिफा वर्ल्ड कप २०२६ अघि आफ्नो तयारीहरूलाई मजबूत गर्न अंशग्रहणकारी टीमहरूले अन्तर्राष्ट्रिय मैत्री म्याचहरू खेलिरहेका छन्। यी मैत्रीपूर्ण म्याचहरूमा खिताब जित्ने दावेदार टीमहरूले जीत हासिल गरेका छन्। यसमा ब्राजील र अर्जेण्टिनाको साथमा यूरोपियन देशहरू जर्मनी, पोर्तुगल, ईंग्ल्याण्ड र स्कटल्याण्ड सामेल छ। स्टार खेलाड़ी लियोनल मेस्सी बिना मैदानमा ओर्लिने वर्ल्ड कपको वर्तमान विजेता अर्जेण्टिनाले आइतवार बिहान भएको म्याचमा होण्डुरसलाई २-०-ले पराजित गऱ्यो। अर्जेण्टिनालाई लौटारो मार्टिनेजले ३७औं मिनटमा पेनल्टीमा गोल गरी बढ़त दिलाएका थिए। त्यसछि जिउलियानो साइमोनले ५५औं मिनटमा अर्जेण्टिनाका लागि दोस्रो गोल गरे। मेस्सीले म्याचअघि अभ्यास गरे पनि म्याचमा हिस्सा लिएनन्। वर्ल्ड कपको तयारीलाई ध्यानमा राख्दै मेस्सीलाई मैत्रीपूर्ण म्याचमा आराम दिइएको हो। उनको देब्रे खुट्टाको ह्याम्स्ट्रिंगमा मांसपेशीको थकान देखिएकाले आराम दिइएको थाहा लागेको छ। यसरी एण्ड्रिकको निर्णायक गोलको दममा ब्राजीलले इजिप्टलाई २-१-ले पराजित गऱ्यो। ब्राजीलको जीतमा ब्रुनो गुमाइरेज र एण्ड्रिकले गोल गरे। इजिप्टको निम्ति मोस्ताफा जिकोले एकमात्र गोल गरे। ब्रुनो गुमाइरेजले आठौं मिनटमै गोल गरी ब्राजीललाई बढ़त दिलाएका थिए। इजिप्टका मोस्ताफा जिकोले ११औं मिनटमा स्कोर बराबरीमा पुऱ्याए। अन्तमा एण्ड्रिकले ५३औं मिनटमा राफिन्हाको पासमा ब्राजीलका लागि विजयी गोल गरे। म्याचमा ब्राजीलका स्टार फरवर्ड नेमारले म्याचमा हिस्सा लिएनन्।
यसरी जर्मनीले वर्ल्ड कपको सह-आयोजक अमेरिकालाई २-१-ले पराजित गऱ्यो। म्याचमा काइ हावेर्त्जले दोस्रो मिनटमै गोल गरी जर्मनीलाई बढ़त दिलाए। अमेरिकाको तर्फबाट एण्टोनी रोबिन्सनले ३७औं मिनटमा १ गोल गरी स्कोर बराबरीमा पुऱ्याए। अन्तमा हावेर्ल्जकै पासमा लेरोय सानेले ५७औं मिनटमा गोल गर्दै जर्मनीलाई २-१-को निर्णायक बढ़त दिलाए। पोर्तुगलले घरेलु मैदानमा भएको म्याचमा चिलीलाई २-१-ले पराजित गऱ्यो। गोन्कालो गुएडेजले ५८औं मिनटमा गोल गरी पोर्तुगललाई बढ़त दिलाए अनि ब्रुनो फर्नाण्डेसले ७५औं मिनटमा गोल गरी पोर्तुगलको बढ़तलाई दोब्बर पारे। चिलीका लुकास चेपेडाले दोस्रो हाफको इञ्जुरी टाइममा एक गोल गरे। पहिलो हाफको इञ्जुरी टाइममा पोर्तुगलका राफाएल लिओ र चिलीका इभा रोमनले रातो कार्ड पाएपछि दुवै टीमले दोस्रो हाफमा १०-१० जना खेलाड़ीको साथ खेल्नु पऱ्यो।
ईंग्ल्याण्डले न्यूजील्याण्डविरुद्ध जसोतसो १-०-ले जीत दर्ता गऱ्यो। कप्तान ह्यारी केनले पहिलो हाफको इञ्ज्युरी टाइममा गोल गरे। यसरी बेल्जियमले ट्युनिसियालाई ५-०-ले पिट्यो। बेल्जियमका लागि लिएण्ड्रो ट्रोसार्डले २८औं, चार्ल्स डे केटेलाएरले ५३औं, केभिन डे ब्रुएनाले ६५औं, डोडी लुकबाकियोले ८५औं र निकोलस रास्किनले ८७औं मिनटमा गोल गरे। यसरी स्कटल्याण्डले बोलिभियाविरुद्ध ४-०-ले एकतर्फी जीत हासिल गऱ्यो। स्कटल्याण्डका लागि चे एडम्सले २ तथा लरेन्स सान्कल्याण्ड र स्कट म्याकटोमिनेले १-१ गोल गरे। स्विट्जरल्याण्ड र अष्ट्रेलियाबीच खेलिएको म्याच १-१-ले ड्र रह्यो।