ढाका: बंग्लादेश क्रिकेट टीमका पेस बलिंग प्रशिक्षक शन टेटले बिहीवार आफ्नो पदबाट राजीनामा दिए। अष्ट्रेलियाका पूर्व पेस बलर टेटले अगावै यस पदमा काम नगर्ने संकेत दिएका थिए। बंग्लादेश क्रिकेट बोर्डसँग १२ महिना काम गरेपछि टेटले पद छोड़ने फसेला गरेका छन्। टेटले भने, मैले आफ्नो राजीनामा दिइसकेको छु। बंग्लादेश क्रिकेट बोर्ड र टीमसँग बिताएको १२ महिना यादगार रह्यो। खेलाड़ीहरू काम गर्नु राम्रो अनुभव रह्यो। बंग्लादेशसँग मेरो सम्बन्ध कायम रहनेछ तर भविष्यमा के छ भन्ने कसैलाई थाहा हुँदैन। यसबाहेक आफ्नो परिवारलाई पनि समय दिनु जरूरी छ। टेटको बंग्लादेश क्रिकेट बोर्डसँग २०२७ वनडे वर्ल्ड कपसम्मको अनुबन्ध रहेको थियो। उनी मई २०२५-मा टीममा सामेल भएका थिए अनि बंग्लादेशसँग उनको कार्यकाल निक्कै सफल रह्यो। युवा पेस बलर नाहिद राणाको प्रतिभालाई निखार्नमा उनको प्रशंसनीय योगदान रह्यो। नाहिद आफ्नो तेज गतिले गर्दा अहिले बंग्लादेश क्रिकेटका उदीयमान नक्षत्रहरूमा एक बनेका छन्। अष्ट्रेलियाई टीम सेतो बलको सीरीजमा हिस्सा लिन बंग्लादेश यात्रामा आउनेछ, जुन ९-२१ जूनसम्म चल्नेछ। त्यस अघि बंग्लादेश क्रिकेट बोर्डले नयाँ पेस बलिंग प्रशिक्षक नियुक्त गर्ने सम्भावना छ।