लखनऊ: लखनऊ सुपर जाइण्ट्स (एलएसजी)-का कप्तान रिषभ पन्तमाथि १२ लाथ रुपियाँको जरिमाना लगाइएको छ। लखनऊको शुक्रवार चेन्नई सुपर किंग्स (सीएसके)-विरुद्ध म्याच थियो, जसमा धीमा ओभर रेटले गर्दा भारतीय क्रिकेट कण्ट्रोल बोर्ड (बीसीसीआई)-ले जरिमाना लगाएको छ। इकाना स्टेडियममा खेलिएको म्याचमा एलएसजी-ले सीएसके-लाई ७ विकेटले पराजित गरेको थियो। पन्तमाथि आईपीएलको आचार संहिताको अनुच्छेद २.२२ अन्तर्गत जरिमाना लगाइएको छ, जुन धीमा ओभर रेटसँग सम्बन्धित छ। जारी सीजनमा यो एलएसजी-को पहिलो अपराध भएको हुनाले पन्तमाथि आईपीएलको शीर्ष परिषदले १२ लाख रुपियाँको जरिमाना लगाएको छ। पन्तले पनि म्याच रेफरीद्वारा दिइएको शास्तीलाई स्वीकार गरेका छन्। उल्लेखनीय छ, एलएसजी-को आईपीएल च्याम्पियन बन्ने सम्भावना अगावै समाप्त भइसकेको छ। पन्तको कप्तानीमा रहने टीम १२ वटा म्याचमा ८ पोइण्ट्सको साथ नेट रन रेटको आधारमा १०औं स्थानमा रहेको छ। एलएसजी-विरुद्ध हारले सीएसके-को प्लेअफ्-मा पुग्ने सम्भावनाहरूलाई चाहिँ धक्का लागेको छ। टीम अहिले १२ वटा म्याचमा १२ पोइण्ट्सको साथ नेट रन रेटको आधारमा छैटौं स्थानमा रहेको छ।