गुवाहाटी: गुवाहाटीको गोरचुक इलाकाबाट पुलिसले जाली नोटसितै एकजना आरोपीलाई पक्राउ गरेको छ भने पान बजार पुलिसले ड्रग्स तस्करीको मामिलामा एकजना तस्करलाई पक्राउ गरेको छ।
पुलिसले बताए अनुसार गोरचुक थानाको इन्टर स्टेट बस टर्मिनस (आईएसबीटी) पुलिस आउटपोस्टको टीमले डेभिड राय (२६, सिक्किम)-लाई नक्कली पाँच सय रुपियाँको नोटसितै पक्राउ गऱ्यो। पक्रा पर्ने आरोपीबाट मोठ २ लाख ८ हजार जाली नोट तथा एउटा मोबाइल फोन पनि जफ्त गऱ्यो।अर्कोतिर पान बजार पुलिसले अनवर अली (२१ बिलासीपारा)- लाई ८ वटा प्लास्टिकको स-साना शिशीहरूमा भरेर राखिएको १०.४८ ग्राम हेरोइन, तीनवटा सिरिञ्ज, एक मोबाइल फोन तथा नगद १११० रुपियाँसितै पक्राउ गऱ्यो। अनवर हुसैनलाई पुलिसले पान बजार इलाकास्थित रेलवे गेट नजिकबाट पक्राउ गरेको हो।