गान्तोक: आज वाणिज्य तथा उद्योग, पर्यटन र नागरिक उड्डयन विभागका मन्त्री छिरिङ थेन्डुप भुटियाले जीरो प्वाइन्टस्थित हस्तकला तथा हस्तकर्घा निर्देशनालय (डीएचएच) परिसरमा अवस्थित नयाँ पुनर्निर्मित बिक्री एम्पोरियमको उद्घाटन गरे। सिक्किम हस्तकर्घा तथा हस्तकला विकास निगम लिमिटेड (एसएचएचडीसी) अन्तर्गत संचालित यो एम्पोरियमले स्थानीय कारीगरहरूको लागि महत्त्वपूर्ण बजार मञ्च प्रदान गर्दछ, र सिक्किमका अद्वितीय हस्तकला तथा हस्तकर्घा उत्पादनहरूको प्रवर्द्धन गर्दछ।
मन्त्री, जो एसएचएचडीसीका अध्यक्ष पनि हुन्,उनीसँग वाणिज्य तथा उद्योग विभागकी सचिव तथा एसएचएचडीसीकी प्रबन्ध निर्देशक श्रीमती कर्मा डी युउत्सो, सहकारी विभागकी सचिव श्रीमती ग्लोरिया नाम्चु, डीएचएचका निर्देशक तथा एसएचएचडीसीका सीईओ छिरिङ तोब्गे भुटिया, एमएसएमईका निर्देशक रवि कुमार, वित्त (एफसीडी) का निर्देशक महेन्द्र प्रधान, साथै एसएचएचडीसीका सबै बोर्ड सदस्यहरू, डीएचएचका सबै अधिकारी र कर्मचारी सहभागी थिए। मिडियासँग कुरा गर्दै मन्त्री छिरिङ थेन्डुप भुटियाले पुनर्निर्मित बिक्री एम्पोरियमलाई यसको पहिलेको भन्दा बढी व्यवस्थित र संगठित संस्करणका रूपमा वर्णन गरे, जसले आगन्तुकहरूको अनुभवलाई सुधार्न र कारीगरहरूको पहुँच बढाउन डिजाइन गरिएको छ। उनले उल्लेख गर्दै भने, ‘यो एम्पोरियमले सिक्किमको सम्पन्न शिल्पकला सम्पदालाई प्रस्तुत गर्नका लागि महत्त्वपूर्ण मञ्चको रूपमा काम गर्नेछl स्थानीय कारीगरहरूका लागि नयाँ आर्थिक अवसरहरू सिर्जना गर्नेछ, र क्षेत्रको पर्यटनलाई प्रवर्द्धन गर्नेछ।‘
बिक्रीलाई प्रवर्धन गर्न व्यवस्थित व्यवस्थापनको महत्त्वमा जोड दिँदै मन्त्रीले विश्वास व्यक्त गर्दै भने, ‘पुनर्निर्मित एम्पोरियमले कारीगरहरूलाई आफ्ना सीपलाई प्रभावकारी रूपमा बजारमा ल्याउन र उत्पादनहरू बेच्न मद्दत पुर्याउनेछ।‘ उनले डीएचएचको निरन्तर प्रयासहरूको प्रशंसा गरे, जसले सिक्किमका अद्वितीय हस्तकला र पारम्परिक हस्तकर्घा उत्पादनहरूलाई संरक्षित र प्रवर्द्धन गर्नमा महत्त्वपूर्ण भूमिका खेलेको छl यस क्षेत्रको ठूलो सम्भावनालाई रेखांकित गरे, जसले राज्यको आर्थिक वृद्धिमा योगदान पुर्याउन र बेरोजगारीको समस्यालाई समाधान गर्न मद्दत गर्नेछ।
मुख्यमन्त्रीको ‘एक परिवार, एक उद्यमी’को दृष्टिकोणको बारेमा कुरा गर्दै मन्त्रीले यस क्षेत्रको विकासका लागि प्रयासहरू निरन्तर जारी रहने आश्वासन दिए, सिक्किमको अद्वितीय पहिचानलाई संरक्षण गर्ने दृढ प्रतिबद्धता जनाउँदछ।‘ उनले निष्कर्षमा भने, ‘एम्पोरियमले कारीगरहरूलाई आर्थिक अवसर मात्र प्रदान गर्ने छैन, बरु आगन्तुकहरूलाई एक प्रामाणिक अनुभव पनि दिनेछ र सिक्किमको सम्पदालाई आधुनिक तरिकामा प्रवर्द्धन गर्नेछ।‘ डीएचएचका निर्देशक तथा एसएचएचडीसीका सीईओ छिरिङ तोब्गे भुटियाले एसएचएचडीसीको भूमिकालाई एक बजार मञ्चको रूपमा सरल र बलियो बनाउनका लागि जानकारी साझा गर्दै सिक्किमका कारीगरहरूको प्रवर्द्धनमा यसको महत्त्वपूर्ण भूमिका रहेकोमा जोड दिए। उनले यस निगमका प्रयासहरू केवल स्थानीय शिल्पहरूको प्रदर्शनका लागि स्थान उपलब्ध गराउनेमा सीमित नरहेको, अपितु बजार पहुँच विस्तार गरेर र दिगो अवसरहरू सिर्जना गरेर कारीगरहरूको आम्दानी वृद्धि गर्नमा पनि केन्द्रित रहेको रेखांकित गरे।
आज पछि, एसएचएचडीसीको बोर्ड बैठक आयोजित हुने छ जसमा वित्त, अनुदान, यातायात र अन्य महत्त्वपूर्ण मुद्दाहरूको चर्चा गरिने उनले बताए। उनले यसलाई एसएचएचडीसीको स्थापना पछि बोर्डको पहिलो भौतिक सभा भनेर चिनाउँदै भने, ‘यस बैठकले समन्वित वातावरणमा तत्कालीन मुद्दाहरू र भविष्यको विकास रणनीतिहरूको समाधान गर्नको लागि अवसर प्रदान गर्नेछ।‘ मन्त्रीले नयाँ पुनर्निर्मित सुविधाको भ्रमण गरे, जहाँ विभिन्न स्थानीय शिल्प वस्तुहरू प्रदर्शन गरिएका थिए, जसमा पारम्परिक हस्तकर्घा कपडा, जटिल काठको काम, र खरिदका लागि उपलब्ध हस्तनिर्मित उपहारवस्तुहरू समावेश थिए। भ्रमणको क्रममा मन्त्रीलाई ‘पारम्परिक कार्यालय अवधारणा कक्ष’ पनि परिचय गराइयो, जुन डीएचएचको एक नवप्रवर्तनात्मक पहल हो। यसले सरकारी कार्यालयहरूमा, विशेष गरी सचिवालय र उच्च कार्यालयहरूमा पारम्परिक हस्तकला प्रस्तुत गर्ने लक्ष्य राखेको छ, जसको उद्देश्य कारीगरहरूको आम्दानी बढाउन र पेशेवर स्थानहरूमा सिक्किमको सांस्कृतिक सम्पदाको प्रवर्द्धन गर्नु रहेको छ। -आईपीआर
About Author
