धुलाबारी: झापाको मेचीनगरमा कार र मोटरसाइकल ठोक्किँदा एक जनाको मृत्यु भएको छ। पूर्वपश्चिम राजमार्ग अन्तर्गत मेचीनगर नगरपालिका-७ टोकला चिया बगान नजिकै काँकडभिट्टाबाट इटाभट्टातर्फ जाँदै गरेको एउटा  मोटरसाइकलले ब्याक गर्दै गरेको एउटा कारलाई पछाडिबाट धक्का दिएको थियो। दुर्घटनामा परी मोटरसाइकल चालक मेचीनगर ७ का २५ वर्षीय राजमान बि.क. घाइते भए। उनलाई  बीएण्डसी अस्पताल बिर्तामोड लगिएको थियो र  उपचारको क्रममा  मृत्यु भएको जिल्ला पुलिस कार्यालय झापाले जनाएको छ।