बालुरघाट: दक्षिण दिनाजपुर जिल्लाको बालुरघाट सुपर स्पेशलिटी अस्पतालबाट बिरामी बेपत्ता भएपछि आक्रोशित परिवारका सदस्यहरूले आइतवार अस्पताल परिसरमा हंगामा गरे। पुलिसमा उजुरी दिए पनि बिरामी फेला पर्न नसकेको आन्दोलनकारीले बताएका छन्। उक्त घटनाको विरोधमा आइतबार सयौं आदिवासी जनजाति अस्पतालमा आएर विरोध प्रदर्शन गरे। उनीहरुले अस्पताल भित्र तोडफोड समेत गरेका छन्। यहाँ, घटनाको जानकारी पाएपछि बालुरघाट थानाबाट ठूलो संख्यामा पुलिस घटनास्थल पुगेको थियो। यसपछि स्थिति नियन्त्रणमा आएको थियो। पुलिस स्रोतका अनुसार बेपत्ता व्यक्तिको नाम सुनिल उराव रहेको छ। उनको घर बालुरघाट ब्लकको मलन्चा क्षेत्रमा छ। शारीरिक कमजोरीका कारण उनलाई अस्पताल भर्ना गरिएको थियो। ती व्यक्ति ६ तारिख मध्यरातबाट बेपत्ता भएका थिए। त्यसपछि केही पत्ता नलागेपछि परिवारका सदस्यले पुलिसमा उजुरी गरेका थिए। राति २ बजेबाट बिरामी कसरी बेपत्ता भए भन्ने परिवारका सदस्यले प्रश्न गरेका छन्। बिहान अस्पतालले बेपत्ता भएको जानकारी दिएको उनले बताए।