सिलगढी: सिलगढी नगरपालिकाको वार्ड नम्बर ४५ मा पार्वती घाट काली पूजा समितिले युवाहरुलाई लागुऔषधबाट टाढा राख्ने र खेलकुदप्रति सचेत गराउने उद्देश्यले एकदिने फुटबल प्रतियोगिता आयोजना गरेको थियो। पार्वतीघाट काली पूजा समितिले आयोजना गरेको एकदिवसीय फुटबल प्रतियोगितामा १६ टोलीको सहभागिता रहेको छ। उद्घाटन समारोहमा सिलगढी नगर निगम वार्ड नम्बर २ का काउन्सिलर तथा नम्बर १ बरो अध्यक्ष गार्गी चटर्जी, सामाजिक कार्यकर्ता विप्लव चौधरी, मार्गरेट स्कूलका शिक्षक एसके त्रिपाठी, नवङ्कुर क्लबका अध्यक्ष प्रसनजीत घोषलगायत अन्य सामाजिक कार्यकर्ता र प्रतिष्ठित व्यक्तिहरू उपस्थित थिए। पार्वती घाट काली पूजा समितिका सदस्य शिवशंकर सोनकरले अहिले समाजका युवाहरु खेलकुदबाट टाढा भई लागुऔषधतर्फ आकर्षित हुँदै गएको बताए। त्यसैले लागुऔषधबाट टाढा रहेका युवाहरुलाई खेलकुदतर्फ आकर्षित गर्न विगत ४ वर्षदेखि एकदिवसीय फुटबल प्रतियोगिता आयोजना हुँदै आएको छ। यस प्रतियोगितामा बिजेता टोलीले नगद ३० हजार र उपविजेता टोलीले नगद २० हजार सहित ट्रफी प्राप्त गर्नेछन्।