नयाँ दिल्ली: संसार घुम्न कसलाई मन पर्दैन र? सबैजना संसारभर घुम्न चाहन्छन्। तर तपाईको यो सपना पूरा गर्न तपाईले आफैंले गाडी बनाउनु भएको छ? ताकि तपाईं सारा संसारको भ्रमणमा जान सक्नुहुन्छ। यो सुन्दा तपाईलाई अचम्म लाग्न सक्छ। तर केरलाका एक व्यक्तिले यस्तै काम गरेका छन्। लन्डनमा बस्ने केरलाका एक व्यक्तिले लकडाउनमा आफ्नै ४ सिटको विमान बनाएका छन्। अहिले उनी परिवारसहित युरोप जान लागेका छन्।
लण्डनमा बसोबास गर्दै आएका केरला निवासी अशोक अलिसेरिल थामरक्षानले आफ्नो परिवारसँग छुट्टी मनाउन चार सिटको विमान बनाएका छन्। उनी एमएलए एभी थामरक्षानका छोरा हुनुहुन्छ र पलक्कड इन्जिनियरिङ कलेजबाट बीटेक पूरा गरेपछि २००६ मा आफ्नो मास्टर डिग्रीको लागि यूके गएका थिए। कोभिड–१९ लकडाउनका बेला उनलाई आफ्नै विमान बनाउने आइडिया आयो। द सनले रिपोर्ट गरेअनुसार परिवारले आफ्नो परियोजना पूरा गर्न करिब १.४ करोड रुपैयाँ र करिब १५०० घण्टा खर्च गरेको छ। द सनसँग कुरा गर्दै अशोकले भने, ‘लकडाउनको समयमा हामीले पैसा बचत गर्न थाल्यौं। हामी सधैं हाम्रो आफ्नै विमान होस् भन्ने चाहन्थ्यौं। हामीले शुरुका केही महिनाहरूमा धेरै पैसा बचत गरेका थियौं। त्यसपछि हामीले विमान बनाउने काम शुरु गर्यौं। उनकी पत्नी अभिलाषाले विगत दुई वर्षमा अशोकले अविश्वसनीय काम गरेको र अब उनको सपना अन्ततः साकार भएको बताइन्।
अशोकले भने, ‘मैले २०१८ मा विमान उडानको लाइसेन्स लिएको थिएँ। त्यसपछि युरोपका अन्य देश घुम्नका लागि २ सिटर प्लेन भाडामा लिएर हिँड्ने गर्थेl’ परिवार बढ्दै गएपछि दुई सिटको विमान सानो महसुस हुन थालेको उनले बताए। ‘हामीले चार सिटको विमानको आवश्यकता महसुस गर्न थाल्यौं। त्यसपछि हामीले आफ्नै विमान बनाउने निर्णय गर्यौं,’ उनले भने। फोर्ड कम्पनीका मेकानिकल इन्जिनियर अशोकले जोहानेसबर्गस्थित कम्पनी स्लिङ एयरक्राफ्टको बारेमा सुनेको बताए। जसले २०१८ मा स्लिंग टीएसआई नामक नयाँ विमान लन्च गर्यो। आफ्नो कारखानाको भ्रमण गरेपछि अशोकले आफ्नो विमान बनाउन एउटा किट अर्डर गरे। महामारीका कारण भएको लकडाउनले उनलाई यो प्रोजेक्टमा काम गर्न समय दियो।
यो विमान बनाउन अशोकले करिब डेढ करोड रुपियाँ खर्च गरेको थियो। विमान सकिएपछि अशोकले यस वर्षको फरवरीमा पहिलो उडान भरेका थिए। अमेरिका र युरोपमा स्वनिर्मित विमानमा यात्रा गर्न समस्या नभएको तर भारतमा यस्तो विमान उडान गर्न नपाइने अशोकले बताए। अशोक अहिले केरलामा बिदा मनाउँदै छन्।
About Author
