नयाँ दिल्लीः प्रवर्तन निदेशालय (ईडी) ले प्रतिबन्धित संगठन पोपुलर फ्रन्ट अफ इण्डिया (पीएफआई) र अन्य मामिलामा २.५३ करोड़ रूपियाँको अचल सम्पत्ति जफत गरेको छ। केन्द्रिय जाँच एजेन्सीले धन शोधन निवारण अधिनियम (पीएमएलए) २००२ प्रावधान अन्तर्गत यो कारबाही गरेको हो।

ईडीले शनिवार जारी बयानमा भनेको छ, पीएफआई विरूद्ध धनशोधनको जाँच अन्तर्गत केरलाको मुन्नार जिल्लामा चार वटा बिल्डिङ र ६.७५ एकड़ भूमिलाई कब्जामा लिइएको छ। जाँच एजेन्सी अनुसार, यस सम्पत्तिको कूल दर २.५३ करोड़ रूपियाँ मापिएको छ। यो मुन्नार विला विस्टा प्राइवेट लिमिटेडको हो। जाँच एजेन्सीले जुन सम्पत्तिहरूलाई आफ्नो कब्जामा लिएको छ, त्यसमा ३३८.०३ वर्ग मीटरको चार विला र मुन्नार विला विस्टा परियोजनाको ६.७५ एकड़ खाली भूमि सामेल छ।

केन्द्रिय जाँच एजेन्सी अनुसार, यसलाई गत ०७ जनवरीमा अस्थायी रूपमा जफत गरिएको थियो। धन शोधन निवारण अधिनियम (पीएमएलए) को निर्णयन प्राधिकारले ३० जूनमा यसको पुष्टि गरेको थियो। निर्णयन प्राधिकारको आदेशले उक्त भूमि र चार घऱलाई कब्जामा लिनका लागि एजेन्सीको मार्ग प्रशस्त गऱ्यो। धनशोधनको यो मामिला राष्ट्रिय अन्वेषण अभिकरण (एनआईए) द्वारा दर्ता एक प्राथमिकीबाट अघि आएको छ।

-हिस