पूर्व बर्दवानः बर्दवानको विवेकानन्द कलेजमा शुक्रवार साझँ वामपन्थी छात्र संगठन एसएफआई र तृणमूल छात्र संगठन टीएमसीपीका कार्यकर्ताहरूबीच हिंसक झड़प भएको छ। दुवै पक्षहरूका कार्यकर्ताहरूले एक-अर्कालाई बाँस, रड र लौरोले हमला गरेको आरोप लगाएका छन्। यस झड़पमा कम्तीमा १५ छात्र घाइते भए। घटनाको सूचना पाएर बर्दवान थानाबाट पुलिस घटनास्थलमा पुग्यो र स्थितिलाई नियन्त्रणमा लियो।

एसएफआई अनुसार, तृणमूल छात्र परिषदका कार्यकर्ताहरूले सगंठनको जिल्ला समितिका सचिव अनिर्बान रोयचौधरीलाई विवेकानन्द कलेजको गेट सामू रोके। लगभग १५ देखि २० टीएमसीपीका छात्रहरूले उनलाई घेरे औं बाँस, रडले कुट्नु शुरू गरे, खबर पाएर एसएफआईका अन्य धेरै कार्यकर्ताहरू पनि त्यहाँ पुगे। उनीहरूमाथि पनि टीएमसीपीका कार्यकर्ताहरूले हमला गरे।

यद्यपि, टीएमसीपीले एसएफआईको आरोपहरूलाई खारेज गऱ्यो। उसले उल्टो एसएफआई कार्यकर्ताहरूमाथि नै आरोप लगायो। टीएमसीपीका पूर्व बर्दवान जिल्ला कमिटीका अध्यक्ष स्वराज घोषले दाबी गरे, धेरै छात्रहरू साझँ कलेजको गेटमा बसेका थिए र चिया खाइरहेका थिए। त्यस समय अनिर्वानले एसएफआईका अन्य सदस्यहरूको साथ मिलेर हामीमाथि अभद्र टिप्पणी गरे। जब छात्रहरूले यसको विरोध गरे तब यिनीहरूलाई हामीलाई बाँस-लौरेलो कुट्न थाले। एसएफआईले योजना बनाएर यो काम गरेको हो।

-हिस