​सिलगढी: सिलगढी पुलिसले प्रतिबन्धित लागुऔषध ब्राउन सुगरसहित दुई जनालाई पक्राउ गरेको छ।
न्यू जलपाईगुडी (एनजेपी) थानाको पुलिस टोलीले विशेष सूचनाका आधारमा तीनबत्ती मोड बसपार्क नजिकै छापा मारी उनीहरूलाई नियन्त्रणमा लिएको हो।
​पक्राउ पर्नेहरूमा उत्तर दिनाजपुरको इस्लामपुर निवासी २३ वर्षीय मामुन राजा र २५ वर्षीय खारिबुल आलम रहेका छन्। पुलिसका अनुसार उनीहरूको साथबाट २५० ग्राम ब्राउन सुगर, दुई थान मोबाइल र ९३० रुपैयाँ नगद बरामद गरिएको छ।
​पक्राउ परेका दुवै जना विरुद्ध न्यू जलपाईगुडी थानामा लागुऔषध नियन्त्रण ऐन (एनडीपीएस एक्ट) अन्तर्गत मुद्दा दर्ता गरी कानुनी प्रक्रिया अघि बढाइएको छ। घटनाबारे थप अनुसन्धान भइरहेको प्रहरीले जनाएको छ।