मुख्यमन्त्री गोलेद्वारा सपना साकार भएको टिप्पणी

​गान्ताेक: सिक्किममा ‘हेलेन लेप्चा सिक्किम सरकारी मेडिकल कलेज’ सञ्चालनमा आएको छ। कलेजको औपचारिक उद्घाटन भई पठनपाठन र सेवा सुरु भएसँगै प्रदेशको स्वास्थ्य तथा चिकित्सा शिक्षाको क्षेत्रमा नयाँ अध्यायको सुरुवात भएको छ।
​यस अवसरमा सामाजिक सञ्जालमार्फत आफ्नो धारणा सार्वजनिक गर्दै सिक्किमका मुख्यमन्त्री प्रेमसिंह तामाङ (गोले) ले यो कलेजको उद्घाटन हुनु सिक्किमेली जनताको लामो समयदेखिको सपना साकार हुनु भएको बताउनुभएको छ।
​”हेलेन लेप्चा सिक्किम सरकारी मेडिकल कलेजको उद्घाटन एउटा सपना पुरा हुनु हो,”
मुख्यमन्त्री गोलेले भन्नुभएको छ, “यो सिक्किमका लागि नयाँ अध्यायको सुरुवात र प्रत्येक सिक्किमेली नागरिकका लागि असाध्यै गर्वको क्षण हो।”
​कलेज सञ्चालनमा आएसँगै प्रदेशका विपन्न तथा मध्यमवर्गीय परिवारका विद्यार्थीहरूले आफ्नै भूमिमा सुलभ र गुणस्तरीय चिकित्सा शिक्षा हासिल गर्ने अवसर पाउनेछन्। साथै, स्थानीय जनताले उत्कृष्ट स्वास्थ्य सेवा प्राप्त गर्ने विश्वास लिइएको छ।